нар.: вилик патаз акси терефдихъ. Вичиз авур ишарадиз яб гана, кицӀ кьулухъ элкъвена. Б. Гь. Заз эвера. Дугъриданни, нисини жез-тежез мад инрик сагьибдин «гудокди» ван кутуна. Мад нехир кьулухъ элкъвена. Б. Гь. Заз эвера - Жув ацукь, Селвана! Абур кьулухъ ацукьрай. А. А. Пад хьайи рагъ. Вазни чизва, бубайрин са мисал авайди я: вилик акатайдал къван гьалчда, кьулухъ галамукьайдахъ лаш галукьда. Б. Гь. Заз эвера.
* кьулухъ акъвазарун \[чӀугун\] гл., ни вуч энгел авун, яргъал вегьин. Мад хьанач, чара атӀана, садакьа гун кьулухъ акъвазарна, къачур затӀарни пуч жез башламишна. А. Ф. Бубадин веси. «Мад ажузвал хъийидач», «Лап кьейитӀани кьулухъ чӀугвадач» лагьана Чигалиди Вичи-вичин вилик кьур кьинер ЦӀарудин ажугълу сес галукьайла, гару ягъай зулун пешер хьиз, кӀвачерик аватна. Б. Гь. Заз эвера.
* кьулухъ акъвазун гл., ни кардик экечӀ тавун, кардивай кьил къакъудун, ам ийиз хуш тахьун. Хийирлу кардикай зунни кьулухъ акъваздач. Анжах къе геж я, пака фин. А. Р., Я. Я. Хендедадин мехъер. - Ша ацукь, - гададиз вил яна ада, - недай чкадални ядай чкадал кьулухъ акъвазмир лагьанвайди я. Б. Гь. Заз эвера. Ихьтин чкадал кьулухъ акъвазун лазим туш. Къачу! Шашлыкдин дад аку! Б. Гь. Заз эвера. Чун жезмай къван ийизвай кеспи дуьздаказ кьиле тухунал машгъул тир. Галатна лагьана, кьулухъ акъвазун вуч лагьай чӀал ятӀа чир хьанач. А. Эсетов. Мегьарамдхуьр - зи рикӀин сир.
* кьулухъ-вилик килигун гл., вуж игьтиятлу хьун. Эй Сулейман, дуьм-дуьз килиг, фагьума на кьулухъ- вилик. С. С. Урусатдиз.
* кьулухъ галамукьун гл., вуж са медениятда ва я са гьихьтин ятӀани гьерекатдик квайбурун эхирда хьун. Чи лап кьулухъ галамай хуьрерани гьар йисуз, гьар вацра ва гьар юкъуз цӀийивилер жезва. И. В. Чирхчир. ЦӀийи ва куьгьне.
* кьулухъ кӀвач(ер) сущ. гьайвандин тум галай патан кӀвачер. ЦӀаруди гъасятда кьатӀайвал, адан кьулухъ кӀвачерикай сад ханвай. Б. Гь. Заз эвера.
* кьулухъ хьун гл, вуж-вуч инкар хьун, къерех хьун. Фундугъбегаз хьанач Наси, Маргъузараз гьатнач пенси. КӀвалах ар дуьз шулугъ хьана, Бегдин хва Бег кьулухъ хьана. И. Рамазанов. Сегьнедин устад.
* кьулухъ ягъун гл., ни-куь вуж-вуч кьилиз акъудиз, тамамариз мумкинвал тагун, энгел авун я. Гатун са йикъа хъуьтӀуьн са вацран ем гьасилзава. Бес къе кудайди агакь тавурла, сезондин кӀвалахарни кьулухъ ядачни? Ш. Шабатов. КӀвалахар кьулухъ язава.