|| УЬЦӀУЬ прил. кьелен тӀям галай. Гирванка кьел Кьулан вацӀуз Вегьиналди кӀуь жедайд туш. С. С. Ахмакьвал пис четин тӀал я.
* кӀуь-цуруди (уькӀуьни цуру ) сущ. хъсан-писди. - Дуст хвена кӀанда. Адаз кӀуь-цуруди чирун герек я. Са кимивал квачир касни жедач фикирдал алай Сабира адахъ галаз къал алай рахунар ийидай, вичиз чидай несятар гудай. 3. Э. Рекьер сад туш. Захъ галайбурни, лугьудайвал, и рекьерин кӀуьцуруди дадмишнавайбур тир. Т. А. Мехъер куьтягь тахьанмаз. Мерзият серсер хьанвай: уьмуьрдин чӀехи пай санал акъудна, санал уькӀуьни цуру акуна, аялар чӀехи авуна, дарвилерни гзаф эхи авуна, амма Жафера адаз рикӀик хкӀадай са гаф лагьайди тушир. 3. Гь. Уьмуьрдин сирнав. Институтдиз фида лагьана хуьряй экъечӀай Мирзеханан кагъаз Толъяттидай хтанай: «... азиз буба, за ГЭС-дал кӀвалахзава, са йисуз мад уьмуьрдин даз килиг хъийида, стхадизни куьмек гуда, институтдиз завай къведай йисузни физ жеда...» 3. Гь. Бубадин кӀвал.