араб, сущ.; -ди, да; -ар, -ри, -ра 1) инсандиз ам масадбурулай тафаватлу ийизвай са хесетдиз, лишандиз килигна язавай тӀвар. Шиирра ада вичиз Етим Эмин ва гагь-гагь Етим гада лугьузва. Ада вичел „Етим,, лакӀаб эцигунин себеб чаз, адануьмуьр ахтармишайли, гьадакай ва адан чӀаларикай жагьизва М. М. Гь. Шииррин кӀватӀал туькӀуьрайдан патай (1941 ). Галаз-галаз ягъай туьтуьтӀрин гуьгъуьналлаз варциз, вирида «Яргъиди» лакӀаб акьалднавай бригадир Гьахьна. Б. Гь. ТӀварун стхаяр. Абуруз зун эйбежер яз аквазва, «Сев» лагьай лакӀабни акьалднава. Б. Гь. РикӀи чӀугурла. Инсандиз, тухумдиз, са чкадиз гайи тӀвар, лакӀаб садрани алатдайди туш, ам несилрилай несилралди рикӀел хуьда. ЛГ, 1996. 16. ӀӀ. Абасни яру партизан тир эхир. Мад са ажайиб кар ава. Абасаз, вичел «Яру партизан» лакӀаб гьикӀ акьалтнатӀани, чидачир. М. В. Гьарасатдин майдандал. Гуьгъуьнлай ван хьайи гафари зак кьалабулух кутунай; Ам МутӀан хва я. Са шакни алачиз, рахазвайбур лезгияр тир, куьз лагьайтӀа тӀварарихъ лакӀаб гилигун чун патал адетдин кар я. С. К. Редактордин гаф. "Самур" газ., 2003, 27. ӀХ. Лезгийри лакӀабрикай гегьеншдиз менфят къачуда, Чна Нурмегьамедаз НутӀ, Мирземетаз МизетӀ, Ямуддиназ МутӀ, Пирмегьамедаз ПӀитӀ, Абдуселимаз Дуц, Багьауддиназ БагьатӀ, Шихмегьамедаз ШихетӀ, Кевсераз Ксе, Нуржагъаназ НучӀ, Нуриятаз НуькӀ, Жариятаз ЖимицӀ, Шаперидиз Шап лугьуда ва икӀ мад. "Самур" газ., 2002, 28. ХӀӀ. Халис фекьияр авачирла, тупӀалрикайни фекьияр жеда. Амма абурулай тупӀал фекьи лугьудай лакӀаб алатдач. С. Ярагъви ашукь Уьзден. 2) кӀвалин гьайвандиз гудай тӀвар.
* лакӀаб ягъун \[гун\] гл., ни низ лакӀаб тайинарун. ГъвечӀи Шериф я, пагь шекердин дуст, Нез жеда даим къачуз саса кӀус. Шерифаз лакӀаб гана: Шекербег. ЦӀ. Э. М. Шекербег. "Патахьар" ( паталай атайбур ) лугьудай тухумдиз хуьруьнвийри цӀийи лакӀаб - "Матишкаяр" ~ ганва. 'Матишкаяр" лугьунин себеб ам я хьи, и тухумдин итимриз чпин дишегьлийрал, папарал, сусарал, матишкайрал хьиз, чӀагай парталар алукӀиз кӀанда. С. Муслимов. ЦицӀигъ-наме. ЯцӀу Тепе, гьакӀ Тепе са вахтара вичин тӀвар Яруллагь яни, тахьайтӀа Жаруллагь яни чидач, гьабурукай садаз ганвай лакӀаб тир. Мад эхиримжи вахтара адаз садани маса тӀвар ваъ, анжах Тепе лугьузва. Дугъриданни, ам кимел алайла, я къван къугъваз, я теспягь гъилелай ийиз ацукӀанавайла чилел алкӀурнавай тепе хьиз аквадай. Гь. М. Хуьруьн муьфтехуьр. Аквар гьаларай, къадим девирра лезгийрин чамарар ийидай балкӀандин жинс Къафкъазда гзаф машгьур тир. Гьавиляй Кери-Тороса вичин шиврез "лезги" лагьай лакӀаб ганва. Р. Р. Лезги халкьдин игитвилин эпос. ЛакӀаб ягъун лезгийриз хас кар я. ЛакӀаб авачир инсан, хуьр четин жагъиди чи чилерал. "Самур" газ., 2005,25.ӀӀ.