* литературный чӀал сущ. са миллетдин вири векилар, чпин яшдилай, марифатлувилелай, хайи нугъатдин кьетӀенвилерилай аслу тушиз, сад хьиз рахун патал хкянавай, къанунламишнавай умуми чӀал. Литературный лезги чӀал лезгийрин милли культурадин чӀалаз, лезгийрин литературадин, театрдин, школадин, гьукуматдин идарайрин, газетрин ва радиодин чӀалаз лугьуда. Р. И. Гайдаров, С. А. Селимов. Лезги чӀал. ӀӀӀ кл. Санлай къачурла, XӀX асирдин литературада, гзафни гзаф Етим Эминан эсерра, лезги литературный чӀалан диб яратмиш хьанва. Д. Джамалов. Лезги литература. Учебник. VӀӀӀ кл. Литературный чӀала вич вилик финин рекье гьам хсуси чӀалан вири нугъатрикай, гьамни вич алакъада авай маса чӀаларикай менфят къачуда. Р. Синоним: литературадин чӀал 2).