арал., вилик квай гафарин мана ачухардайла, сад-садан гуьгъуьнал алаз къвезвай крар, гьалар гьисабдайла ишлемишдай (чешне патал. мисал патал) гаф. Шак авач хьи, гъеле Эминан девирдани лезгийрихъ, адалай гъейри, мад шаирар хьана. Гъабурукай, месела, Эминан стхадин хва ( бязибрун лугьунриз килигна, Эминан стха ) Меликни шаир яз хьана. М. М. Гь. Шииррин кӀватӀал туькӀуьрайдан патай (1941 ). Амма гафарин состав вич гьеле чӀал туш. Ам чӀал туькӀуьрун патал, месела, са имарат эцигуниз герек тир материт хьиз я. М. М. Гь. Лезги чӀалан грамматика Шаирвилин устадвал авачиз ва гзаф тади кваз кхьенвай шиирар чал мукьвал-мукьвал дуьшуьш жезва. Месела, С. Гьажиеван «ЧӀехи мурад» тӀвар алай шийрдин гзаф строфайра шиир туькӀуьрунин къайдаяр лап векъидаказ чӀурнава, абура рифмаяр хьанвач, слогрин кьадар сад хьанвач... А. С. Жегьил шаиррин яратмишунин бязи месэлайрикай.... бязи чӀалара, чеб мукьва тушиз хьайитӀани, сад хьтин гафар гъалтда, яни и гафарик абур ишлемишзавай вири чӀаларин пай ква; а гафар сифте гьи чӀала пайда хьанатӀа, лугьуз жедач. Месела, кац, кал гафарин диб Дагъустандин чӀехи пай чӀалара ва гьакӀни урус, эрмени, гуржи, инглис, немс чӀалара гьа ихьтинди я. М. Алипулатов. Лезги чӀалан машгъулардай грамматикадай материалар.