араб, прил. 1) кӀеви.... фена устӀардин кьилив, лагьана: „ На гуьрз гзаф бушдиз расна. Идан къимет пуд виш манат ятӀа, ма ваз вад виш манат, заз са вад виш пут къведай цӀийи, мягькем са гуьрз раса!". Ф. Шарвили. Амма а шуькӀуь гардан я накьв, я шим тушир, ам гьа кьилеллай къванцелайни мягькем затӀ тир. Гь. М. Хаяр. Дагъларин мани, дагъларин чӀал сад я: дагълари хьиз, такабур уьмуьр твах, дагълари хьиз, жуван чил хуьх, дагълар хьиз, мягькем хьухь, дагълари хьиз, живни эхи ая харни, марфни... вири, амма чиликай кӀвач хкудмир. М. Гь. Им къван, имни терез.... вич адетдин гьулдандикай гьазурна анжах раствор фидай тӀеквенрин винел патал титандикай, вольфрамдикай, ванадийдикай гъазурнавай мягькем къаришмадалди ( вакардалди ) кӀеви авуртӀа жедачни? Я. Ш. Гьахъ квахьдач. 2) чӀуриз тежедай, къадиматлу. Мад сеферда рикӀел хкин: Кавказдип Албаниядин девирда эрменийринни лезгийрин алакъаяр сихбур ва мягькембур хьана. М. Алипулатов. Лезги чӀалан машгъулардай грамматикадай материалар 3) куьч. сагълам, гужлу, Юкьван буйдин, кӀвач-кьил мягькем, Гужлу, гьяркьуь тир къуьнер, Ацукьун, къарагъун уьтквем, Хъуьрезвай ири втер. А, Ф. -Зарбачи Гьасан. Чи литературадин и мягькем алакъа ва мукьвавал ада халкьдин интересар патал женг чӀугуникай, халкьдин яшайиш дуьздаказ ва тамамвилелди къалуруникай арадиз къвезва. А. С. Жегьил шаиприн яратмишукин бязи месэлайрикай. Эхь, ина исятда виридалайни вилик герекди коммунистрин мягькем организация, тешлкилатчи тир. М. Гъ. Гезентидин эхир. 4) куьч. залан, алат тийидай, зурба Рекьидалди алат тийир хажалат Ви далудал кӀеви, мягькем пар жеди. Е. Э. Кьве паб. 5) хийирлу. Адан тухумди вичин гележег патал са мягькем чка кьуна мягькем бит кутунач. М. Б. Балаш бубадин азан. 6) куьч. фикирдал кӀеви. Мягькем динегьлийрихъ адан гьакъиндай чпин фикирар авай. Гь. М. Хаяр. Гужлу, камаллу касдихъ мягькем хесетар, гуьзел къилихар жеда. Къ. М. Манияр, манияр.
* мягькем авун гл., ни вуч мягькем тир лишандиз гъун. Са карни за виликамаз лугьун ваз, урус гьукуматдиз Ирандихъ галаз авай вичин дуствилин алакъаяр мадни мягькем ийиз кӀанзава. З. Р. Гьажи Давуд. Заз чиз, къенин гуьруьшмиш хьун Самурдин ва Куьре лезгийрин стхавал мягькем авунин къиметлу межлис хьана! Къ. М. Манияр, манияр. А программадин кьилин метлеб - дуствал мягькем авун тир. Дуствал, кӀвале, дуствал хуьре, дуствал миллетрин арада, дуствал вири чи Советрин Ватанда мягькем авунин чӀехи метлебдиз бахш авунвайди тир. Къ. М. Экуь инсан.
* мягькем ибара граммат., сущ. кьве ва я са шумуд гафуникай ибарат хьанваз рахунра, кьилдин гафар хьиз, тикрар жедай чӀалан уьлчме, месела: яб гун, рикӀелай алатун, тум-кьил авачир къван, рагьметдиз фин ва мсб.
* мягькем хьун гл., вуж-вуч мягькем тир лишандиз атун. За сифте макъалада къейд авурвал, азерайжан ва лезги халкьарин арада авай дуствал виш йисарин имтигьанрай акъатнава ва. кӀеви алакъайралди мягькем хьанва. М. М. Кьибле пата гурзава. Кесибрин рикӀера лагьайтӀа, и хиял кьвердавай мягькем жезвай. М. Б. Салманакай гьикӀ хан хьана. Чи гьисабрай, мягькем жеда авуртӀа, цӀерид вилин муьгъ. М. Б. Муьгъ.