сущ.; -ди, -да; -ар, -ари, -ара кӀанивилин лишан яз сада вичин пӀузарар, масадан бедендин са чкадал эцигна, вичихъ фитӀиндай гьерекат. Яр паталди захъ ифинлу пӀагь ава, Душман патал - хци турни, балкӀанни. М. Б. Зун инсан я. Синоним: темен.
* пӀагь гун гл., ни низ-квез кӀанивилин лишан яз сада, вичин пӀузарар масадан бедендин са чкадал (хъуьхъвел, пӀузаррал ва мсб) эцигна, вичихъ фитӀинун. Ам, пӀузарри пӀагь гуз, сарари кӀасдайбурукай я. Ф. Марьяма адан кӀвенкӀ атӀана, зирек кьурай гъилеривди адан гардан кьуна ва кӀуфуз пӀагь гана. А. А. Умуд. Ам, гьич муькуь кӀвале рушарал кьил чӀугун тавуна, абуруз адет яз гьар няниз ийизвай къайдада са-кьве пӀагь тагана, вичин кӀвализ хъфидачир. А. А. Лезгияр. Хва дивандал ацукьнава, ПӀагь гуз пиян кӀамашдиз. А. С. Почтадин марка. Зун гьазур туш пӀагь гуз къе ви пӀузардиз: Къе заз пӀагьар гузва рикӀин азарди. З. Къ. Синоним: темен гун.