араб, сущ,; -ди, -да; -яр, -йри, -йра 1) сад кьейила, адан руьгьдиз бахшна гудай тӀуьн ва я ийидай харжлух. - Я кӀвал къени хьай кас, лагьана гаф атӀана фекьиди, - садакьадин тӀимил-гзаф жедайди яни. А. Ф. Бубадин веси. Чечнеда дяве гатӀунайла, чичӀедин халичаяр садакьа кьунва. Гьабурни мискӀиндиз акъудзава. М. Б. ЦӀийи мискӀин. Эфендиди меслят къалурайвал, садакьаяр нисинин капӀ жедалди пайна: аялриз исита алай фуар гана, чӀехибуруз - бул якӀар. М. Б. ЦӀийи мискӀин. 2) обр. гьайвандиз экъуьгъунин гаф.... Пакамахъ кал нехирдиз яна хтай Мусадиз акуна, данади, салаз гьахьна, помидорар, истивутар, келемар... жакьвалай ийизва, кӀурни гузва... – Суь-уьс1 Суьс, садакьа - " гьарайна ада. Н. Насруллаев. Кьве Мегьамед,
* садакьа гун гл., ни кьейидан гунагьрилай Аллагьди гъил къачурай лагьана гудай тӀуьн ва я харжлух авун. Санал гуз хьайитӀа садакьа, Жеда куьн межлисдин юкьва. С. С. Фекьияр. Мад гьа адет тирвал, я ашдин, я якӀун садакьа гуда ман... А. Ф. Бубадин веси.