араб, сущ.; -ди, -да; -ар, -ри. -ра 1) пата-къерехда авайдаз мукьва-кьилиди вичин патай ракъурзавай чими гафар. - Ваъ, ахьтин затӀ авач, -Севзиханаз саламар ракъуриз заз кӀанзавачир. А. Къ. Нехирбанни лекь. 2) ( чӀехи гьарфуналди - С) эркекдин хас тӀвар: Салам. Мегер гъвечӀи хва Саламан патав, кирида кьунвай чарадан кӀвализ завай хъфиз жедани? М. В. Гьарасатдин майдандал.
* салам гун гл., ни низ къерехдай атайда, физвайда вичел гьалтайдаз саламалейкум лугьун. Икрам авун патам гьар са устӀардиз Салам гана хутӀунна за кьилелай. А. С. Хцихъ галаз ихтилат. Ахпа гьалтай кьван танишриз машиндай зани агъайнавилелди кьил агъузна салам гуда. А. Р., Я. Я. Хендедадин мехъер.
* салам-дуьа сущ. пата-къерехда авайдаз мукьва-кьилиди, яр-дустуни ракъурзавай чими гафар. Гатфарин югъ мукьвал ала, Салам-дуьа ракъуд за ваз. Ф. Салам-дуьа я ярар-дустариз, муъмин стхайриз, муъмин вахариз. А. Гьажи. Факъи Гьажи.
* салам-калам рах., сущ. къерехдай атайда, физвайда вичел гьалтайдаз саламалейкум лугьун. Салам- каламдилай гуьгъуьниз Максуда Асаназ цӀийи хабар гана лагьана... З. Э. Муькъвел гелер.
* салам кьун гл., ни нин къерехдай атайда, физвайда вичел гьалтайдаз саламалейкум лагьайдаз жаваб яз "Ваалейкум салам" лугьун. Амма ада вич квадарнач. КӀуфук квачир хъвер кутуна салам кьуна. З. Э. Рамзият. Хъуьруьнарзавайбур, гайи саламни такьуна, кӀуфук зарафатдин хъвер кваз, кимелай хъфена. А. И. Самур.