( ИСТИКАН || ИСТИКӀАН рах. ) урус, сущ,; -ди, -да; -ар, -ри, -ра яд, чай цун патал шуьшедикай раснавай яргъивилихъ къен авай къаб. # гъвечӀи -; еке -; ~диз чай цун. - Де акӀ ятӀа, къари, абур атайла са стакан чай кьванни вилик эцигдайвал, на са гъазурвал ая, - лагьана, Дадаша чин анихъ элкъуьрна, А. Ф. Бубадин веси. Алиби хкана кӀвализ самовар, Суфрадал са къерехдивай эцигна, Ахпа гъана михьи истиканар. А. Ф. КьатӀ-кьатӀ авур зунжурар. ИстикӀанар жеда тасмал галачир, Чай вегьеда зерре атир галачир... Х. Къ. Чай. Истиканда мад чай цан хъийидалди, Сефер халудин чапла патахъай ширширдин ван атана. А. Р. ЦӀапан. Стаканра авай чаяр къайи хьана хъвадалди. тадиз хуьрекар; са къапара шурва, садбура дулмаяр аваз гъана, суфрадал жуьрба-жуьр салатарни, кӀешниш-чичӀекни алай. А. Муграгъви. Ажалдин хура. Эгер чӀулав лекь тӀазваз хьайитӀа, са стакан некӀедиз кьве стакан пиво яна, йикъа пуд сеферда фу недалди вилик ишлемишда. ЛГ. 2003, 7. VӀӀ. Истиканар са жергеда, Са истикан хана завай. Ф. ☼ М. М. Гьажиевани ( кил. М. Г. РЛС, стакан), Б. Б. Талибова ( кил. Б. Т„ М. Г. ЛРС) стакан литературный чӀалан норма яз гьисабзавай. Чи орфографиядин словарра и гаф кьве жуьреда ганва: истикан ва стакан ( кил. М. М. Г., Р. И. Г., У. А. М. ЛЧЮС. 1964), анжах стакан ( кил. М. М. Г., Р. И. Г., У. А. М. ЛЧЮС. 1989, 2001. Кхьинра, винидихъ ганвай текстерай аквазвайвал, пуд жуьредани гьалтзава. Чун тайин себебралди, истикан норма яз, истикӀан рахунрин форма яз кьабулунин. терефдар я.