|| СТӀАЛЖЕМ фарс, сущ.; -ди, -да; -ар. -ри. -ра жигеррин тӀал. СтӀалжемдик азарлу хьайи стха Къазимегьамед кечмиш хьанай. Гь. Гашаров. Хайи халкьдин рекье чан эцигайди. ☼ Словарра сталжем кхьенава. Кхьинрин практикада стӀалжем гьалтзава. Чи фикирдай, орфофафиядин норма яз кьвед лагьай вариант хкягъайтӀа, хъсан жеда.
* стӀалжем хьун гл., вуж жигеррин тӀалдикди азарлу хьун. Са йисалай зулун къайи марфадик акатна, стӀалжгм хьана, Пери месе гьатна. Гь. Къ. Магьини Дилбер. Уьзден лугьудай кас, адан рагьметлу буба заз гвен гуьдай мел авай чкада кӀвалахна, гьекь хьайила, стӀалжем хьана кьейиди я. С. Ярагъви ашукь Уьзден. Кваса ахъазвай дакӀардин кӀане, къвал акъахнавай майкани алаз къатканва. - Вун стӀалжем жеда гьа, - пудра лагъана папа. М. Б. Футболист. И декьикьаяр Зингьараз лап яргъалди давам хьана кӀанзавай, амма - мекьивилелай руш стӀалжем хьуни къурхутмишна. У. Къемберов. Сел.