фарс, сущ,; -и, -а; ар, -ри, -ра 1) халкьдин уьмуьрда хьайи, гьамиша кьиле физвай важиблу месэладиз, вакъиадиз талукьарнавай шадвилер ийидай мярекат. - Куьгьне заманада чина ихьтин адет авай, - жаваб гана СтӀал Сулеймана назикдаказ ва хушвилелди - суварар хьайила девлетлуйрин кӀвалериз физ, хуьрек дадмишна, сувар мубарак ийидай. Кесибрин кӀвалериз фидачир. Кесибриз куьчедлай эверна, ви суварни мубарак хьурай лугьудай. Гила чун, Дагъустан, кесибар я. Эгер чи суварик татун хьайитӀа, кесибар гьа виликди хьиз саймиш тавун жеда. З. Э. СтӀал Сулейман. Хашпересри, абурукай яз урусрини, гьар йисуз инсан дидедиз хьайи югъ еке сувар яз кьиле тухуда. ЛГ, 1992, 20. ӀX. 2) (чӀехи гьарфуналди - С) дишегьлидин хас тӀвар: Сувар. Сувар, дидедиз гъанвай савкьатарни къачуна, Агьмедахъ галаз вичин дидедин патав фена. А. И. Самур. Сувара кьецӀил кӀвачер це амаз, киф храна куьтягьна, ам кьамал кӀватӀна, кьилихъ пипӀ кутун хъувуна. А. Исм. Вацран мичӀер.