фарс, прил. фад кьилиз акъудун лазим тир. Исятда багъда ийидай ахьтин тади кар-кеспи авач. З. Э. КУТВ-диз фена.
* тади авун гл., ни са кӀвалах кьилиз акъудиз фад-фад гьерекатар авун. Рустама чар вугайла, Играмудина ам къачуна, анжах ахьайиз тади авунач. Я. Я. Са фурун вакӀар.
* тади бенд(ер ) сущ. шииратда сесерин ва рифмайрин кьетӀенвилер аваз ва тади кваз кӀелун патал кхьенвай бендер (мез ачухарун патал). Абдуселим Исмаилова тади бендер гзаф кхьенва. Р.
* тади гун гл. 1) ни низ кӀеве тун, туьгьметар авун. 2) низ азарлудаз авайдалай пис хьун, генани азаб гун.
* тади гьалда нар. фад, фадамаз. Гьеле республикадин шегьерра, хуьрера ричал яд лугьуз адетдин яд бутылкайриз цазвай чинебан цехар кардик кума. Абур тади гьалда чирна, агалун лазим я. ЛГ, 2004, 21.ӀӀ.
* тади карди (тадивилик) цӀай кьурай (акатрай )! мисал 'тадиз ийидай кар тахьурай' манадин мисал. \[Муртуз\]. Тайин гаф жагъанани? \[Брегьим\]. Тайин гафни жеда ман... Куьп туш хьи. тади авуникай вучзава? Мисалдин ван хьайиди тушни: тади карди цӀай кьурай 1. Б. Гь. Большевикдин руш. - Ваз хуьруьн советдин председатель лагьай тӀвар тӀимил яни? Тадивилик цӀай акатуй. Ваз чидачни, я юлдаш председатель, тади квай папа тум квачир гада хада. З. Э. КУТВ-диз фена.
* тади куьмек сущ. кефсуздаз кӀвале куьмек гудай духтурар авай махсус машин. «Тади куьмек» агакьна, Хийир амач мад. Пакамахъди сурарал Тухвана кьуд-вад. А. С. Гадаяр, иблис ва спирт. Гуя фена ам «Тади куьмекдиз» эвериз. А. Ал. Хъен галачир рикӀ.
* тади къачун гл., ни, вуч низ гъилевай кар фад кьилиз акъудун патал гьерекат артухарун. - Вак вуч тади ква, хизан сагъ хьайиди. Тади къачумир, исятда акъатда чамарар. Гь. Гь. Адетдин къармахра. - Тахсирар кутаз тади къачумир. А. А. Лезгияр. - КӀвалах ийидайла, тади къачумир, кар вичин юнда аваз фидай адет я. А. Э. Шаирдин тарсар.