туьрк, сущ,; -ди, -да; -ар, -ри, -ра 1) са яшаринди. - Паб жуваз тангъах авайди хьун герек я, лугьузвай ада. Дуьз гафуниз вуч лугьуда кьван? З. Э. Кек галкӀизва. 2) дережа. - Килиг, килиг, ибурун тангъах аку, алай гьал аку... Ибурукайни газет кӀелдайбур хьанвай замана я ман! А. Ф. Газет 3) жемятдин арада гаф ише фидай, кесерлу гьал. Гила зи фикир ихьтинди я: куьне чи тангъахда авай ва чпел чӀалах жедай гадаяр чирна гъиликди ая. Чун абурухъ галаз гуьруьшмиш хьана ихтилатар авуна кӀанзава. Я. Ш. Гьахъ квахьдач.... и муаллимдин хьтин шляпӀани гъваш, галстукни, гьадандаз ухшар мичӀи пенжекни. Спелар мад за хиритӀнава. Жизви къванни жуван тангъах кутугай ксариз мукьва ийин. Т. А. Мехъер куьтягь тахьанмаз. Къуй кӀелрай дидеди,- лагьана за жува жуваз, къуй дамахрай вичи хайи веледдал - Алемдин тангъах авай шаир хцел. А. Къ. Гилигзава.