араб, сущ.; -ди, -да; -ар, -ри, -ра кьве шей сад-садав гекъигайла, абурун арада жезвай чаравал. Гьикьван зурба я зинни ви тафават... Е. Э. Гьалимат. Лезги чӀаланни азербайжан чӀалан грамматикайрин арада лагьайтӀа еке тафават авайди малум я. М. М. Гь. СтӀал Сулеймана азербайжан чӀалал туькӀуьрай шиирар. Куьре наречие асул гьисабдалди чпихъ тайин тир умуми лишанар ва гьардахъ вичиз хас тир кьилдин тафаватвилер авай пуд диалектдикай ибарат я: гуьне диалект, яркӀи диалект ва кьурагь диалект. Р. И. Гьайдароз. Лезги чӀалан диалектология. Синоним: фаркь.