сущ.; -а, -а; -ар, -ари, -ара 1) элкъвей кӀалуб аваз эгъуьннавай чил. Вирида дерин-дерин фур атӀана. Вирида фура ирид чакв хапа цана. Вирида фуруз амукьай кӀарабар гадарна. Ф. Ада валарихъ галкӀиз- къакъатиз, фурариз аватиз-ахкъатиз гьерекатзава. А. Исм. Эхиримжи къув. 2) гамунин нехиш.
* фур атӀайди фуруз аватда мисал 'масадаз писвал ийиз алахъзавайдаз вичиз пис жеда' манадин мисал. Гафар гуьрчег, амал чӀуруз, Фур атӀайд аватда фуруз. За фагьумна, бязибуруз И кар лап такӀан хьана хьи. С. С. Амач лугьуз падишагь.
* фур эгьуьнун гл., ни низ рекьидай рехъ жагъурун, рекьидай гьалдиз гъун. Гьамид, вуна заз фур эгъуьнна, я вуна и фур кӀевир хъийида, я за вун гьа фура хутада: А. А. Пад хьайи рагъ. \[Кере Пуркурович\]. Чизва, ам заз фур эгъуьнзавайбурукай я. Ф. Б. Филиал.
* фуру-фурар къугъун гл., вуж аялри чпи атӀай гъвечӀи-гъвечӀи фурара тайин шартӀаралди куьлуь къванер тваз кьиле тухудай къугъун. Аялар фуру-фурар къугъвадайла, рушарикай сада, илирзай нер рукварай хьанвай гъилив михьна хьиз, кӀевиз лагьана... А. Гуьлмегьамедов. Ву-ув, тав вуч я?