сущ.; -ди, -да; -яр, -йри, -йра агъадай виниз эцигнавай сад хьтин шейэрин кӀватӀал, жерге. Гьаятра кӀарасрин хараяр - пилер эцигнава. З. Э. Гьуьлуьн лепеяр.... Ахпа ада, бирдан кӀвачел къарагъна, цла акӀурнавай шкафдин ракӀар ахъайна, гъвечӀи хара тетрадар къачуна, меци чуькь тавуна, гьана, Надежда Михайловнадин вилик столдин пипӀел эцигна. А. А. Умуд. Артухзава гьакӀ ктабрин хараяр А. С. Вилик жерге. - Ма килиг - лагьана за хцел зи дневникрин са хара, математикадизни, урус чӀалазни, маса предметриз талукь дафтарар вугана. - Зун вун хьтин пезевенг тушир. А. Къ. Нехирбанни лекь. Нажмудинахъ кӀвалени хейлин къайгъуяр авай. Ада кӀарасар хадай, харадиз ядай, кӀвализ хкидай, пичера цӀай хъийидай, руьхъ акъудай. ЛГ, 2002, 15. V. Синоним: кӀунтӀ.