гл.; -ада, -ана; -аз, -азва; -ух, -ан, -урай, -амир; хун тавун, хун тахвун, хан хъийимир. 1) кьелечӀ, шуькӀуь затӀунин сагъвал амукь тавун. Чи пенжерда шуьше авач, Иски кьулар хаз тахьуй, яр. Ф. КьацӀал алай сач хана, Атай енгед кӀвач хана. Ф. Ада халудин сусаз лагьана: "Булахдал алай тарцикай халудин жендек куьрсарнава; вун яд гъиз фидайла, хъенчӀин квар къачуна алад, яд цана кӀула хкьадайла, вегьена хух, ахпа ваз кӀандай кьван шехьа". Ф. Халуни хтул. Авач хадай къав, я ацахьдай цал, Ачух цавук ква гьамиша зи кӀвал. Х. Х. Рехъ алатнава... Яд гъиз ракъурзавай гададихъ виликамаз са къамчи галукьарда. Мукъаят хьун паталди. Гичин хун тавун паталди. Б. Гь. Заз эвера. 2) нажахдалди кӀарасар куьлуь авун. Нажмудинахъ кӀвалени хейлин къайгъуяр авай. Ада кӀарасар хадай, харадиз ядай, кӀвализ хкидай, пичера цӀай хъийидай, руьхъ акъудай. ЛГ, 2002, 15. V. * кефи хун, муркӀадин кьелечӀ чкадилай хада, хатур хун.