|| ХКУЬРУН гл.; -да, -на; -из, -зава; -а, -ин, -рай, -мир; хкуьр тавун, хкуьр тахвун, хкуьр хъийимир 1) ни квек са квек вуч ятӀани кутуна ам ана элкъуьрдай гьерекатар авун. Гьа икӀ Вагьаба яваш- яваш тӀваларин типӀихдик гъил хуькуьрдай. М. В. Гьарасатдин майдандал. 2) ни ник зарафат патал тебятда акьадай, хатур амукьдай гафар лугьун. - Хуькуьрмир зи тӀварун стхадик! - къарагъна, сифте чӀехидан, ахпа муькуь аялрин щеткаяр хьтин векъи, къалин, чӀупӀ-чӀулав мекерилай кап чӀугвазва мугьманди. Б. Гь. ТӀварун стха. Миргьашим Талишли лугьудай -са автордин «Эдебият ва инжесенет» газетда ( 23 февраль, 1990 - йис ) акъатнавай макъалада кьадардиз тӀимил тир халкьарин милли руьгьдихъ хкуьрзава. М. М. Чун гъвечӀи халкь туш. Галатнавай Севзиханаз чӀехи бубадин гафари адак хуькуьрнавайди хьиз аквазвай. А. Къ. Нехирбанни лекь.... вичин къуншидик эрк кваз хкуьрзава... А. Къ. Г'аф - кутугай чкадал. Синоним: эцягьун. 3) хъел къведай, намусдик хкӀадай гафар амалар авун. Вин канабрай экъечӀнамаз хтайда Намуслудак хуькуьриз сив ахъайда. Е. Э. Цилингар.