гл., ни; -вена, -да; -уьз, -уьзва; -уьх, -уьн, -рай, -мир; хуьн тавун, хуьн тахвун, хуьн хъийимир 1) сагъ-саламатдиз амукьарун, сагъсаламатдиз амукьун патал алахъун. Гьамбалдиз пул эцигдай чка авачир; идаз ван жеда хьи, бес и хуьре са шейх ава, нин затӀ хьайитӀани ада хуьда, кӀани вахтунда вахкуда. Ф. Гьамбал. - ЦӀийибур эцигна кӀанда, эцигнавайбур лагьайтӀа, мукьуфдивди хвена кӀанда. А. А. Лезгийрин литература. Вучиз за чанни гуз хуьзва и чилер? КьепӀинал хьиз, зи чил, зун вал ашукь я, Хуьда вилин нини хьиз. А. С. КьепӀинал хьиз. - Жуван чӀал хуьх, ам ви халкьдин девлет я. А. С. Хцихъ галаз ихтилат. Чи виридан везифа и рехъ датӀана саламатдиз, поездривай физ жедайвал хуьн я. ЛГ, 2003, 13. ХӀ. 2) авай алакъаяр давамарун. Етим Эмин, жафа я хуьз, чӀалаз муьтӀуьгъ тахьайла дуьз... Е. Э. Пис паб. 3) масадаз тайинар, чир тавун. Эмин гада кӀевиз шехъда и къара Хуьз гайи сир дуьзда хьана, ашкара. Е. Э. Эминни адан яр. 4) галайвилер аваз, яшайиш идара авун. Хуьда за вун дере, зарбаф, дибада. Е. Э. КӀани яр. За хьиз етимар хвена, пашман хьайиди... Я кесиб, гьахъ рикӀел алайд атуй. Е. Э. Веси. Адаз чизвай: Муг-Рагъа цӀегьер хуьн адет туш, вучиз лагьайтӀа кул-кус квачир мезрейра, сувара, гуьнейра цӀегьер хуьн четин я, абурухъ югъди галтугна кӀанда. Гь. Къ. Четин бахт. Хуьре авач базар са, Гьинай гъида нек, къатух? Кал техуьн я азар са, Квелди ийин кьве мал тух? Ш. Къ. Перт кьуьзуьбур. 5) зарардикай, чӀуру кардикай къерех авун. Етим Эмин, вун тубади Хуьда, яхъ ваз гьам мукьвади. Е. Э. Вил вегьейла и дуьньядиз. Ша хуьх вуна зун, аман, ваз дад... Е. Э. Ханум. Вичи вич са гуж-баладалди хуьз, Абас гьекь ацалтна къвала-къвалахъди гуьнедай агъуз эвичӀнава. М. В. Гьарасатдин майдандал,