сущ.; -или, -иле; -илер, -илери, -илера масадан гьал, гуьгьуьл хъсан патахъ дегишардай гьерекат, кар. Хъсанвилиз писвал ийидай къелбикъараяр и дуьньядал герек туш, лагьана, ада абур къведни кьена. Ф. Ирид юкӀ алай пагьливан Магьамад. Вучда вакай; дуьнья, гьей... Герек туш ви хъсанвал... Е. Э. Дуьньядиз. Гъич са чӀавуз квахьдайди туш хъсанвал. Е. Э. Дуванбегдиз. - Вири и хъсанвилерин эвез завай ваз къенлай кьулухъ виш йисузни хгуз жедач. З. Э. Муькъвел гелер. Вичиз хъсанвал такунвай инсандивай хъсанвал гьатдач. Къ. М. Дагъларин деринрин булахар. Хъсанвилер чи инсанрин вири санлай яд хьанани? Х. Х. Зун куьчедал... За чан гузва и дуьньядал хъсанвал Са кӀус кьванни артухарун паталди. М. Б. Зун инсан я... Хъсанвал чи инсанвилин терез я, Хъсандан чин чими рагъ хьиз хъуьрез я. М. М. Кьуна. Гуьнуькъара дуьнья! Ви югъ, ви йиф - вири сад хьанани, Хъсанвилер чи инсанрин вири санлай яд хьанани? М. Ж. Жанавурдин къув язава... Баку, Баку, рикӀелай гьич алуддач Зун паталди авур хъсанвилер на? З. Р. Диде шегьер. Махсудан инсанвал, хъсанвал, дуьзвал, гьуьрметлувал, хуьре вирида аннамишнавай. З. Э Муькъвел гелер. Антоним: писвал.
* хъсанвал авун гл., ни, низ хъсан гьал арадиз гъидай кар авун. - Заз вун зи буба кьван кӀан я. Зи буба кьейидалай кьулухъ вуна заз авур кьван хъсанвилер зи рикӀелай фидач. З. Э. Муькъвел гелер. Синоним: хъсанвалун.
* хъсанвал гьуьлуьз вегьейтӀани, садрани\] квахьдайди туш мисал 'хъсанвал садрани рикӀелай фидайди туш' манадин мисал. Аллагь патал хьуй, ичӀи гъилиз килиг, гьакӀ квахьдайди туш хъсанвал. Е. Э. Дуванбегдиз. Хиял мийир, менфятни авачиз, гьакӀ арадай квахьдайди туш хъсанвал. Е. Э. Дуванбегдиз. Бубади гайи несятар адан рикӀелай фидачир. Рагьметлу бубади лугьудай, чан хва, гьар низ хьайитӀани, жувалай алакьдай хъсанвал ая. Хъсанвал, чан бала, гьуьлуьз вегьейтӀани, квахьдач. З. Э. КУТВ-диз фена.