прил. яд авай, яд акъвазнавай, цихъ авай, циз талукь тир. Рамазанан БацӀая цин хулар чӀурна колхоздин никӀерихъ галай яд атӀана, еке зарарар гана. А. Ф. Газет. Алатай йифиз гъвечӀи марф къвана, гъадакди хуьруьн куьчейра цин лекъвер гьасил хьанвай... А. А. Умуд. Чи республикадин бязи алимриз, Самур-Къусарчай зонадай цин игътияжар пара ава лагьана, къанал тухуз кӀанзава. М. М. За нин бахтар чуьнуьхна хьи...
* цин насос сущ. агъада авай чкадай кьакьандиз яд акъуддай ва я санай масаниз яд тухудай насос. Багълариз яд акъудун мураддалди, чна Самур вацӀун къерехдал цин насосар эцигна. Ада анжах 25 процент багълариз яд гун таъминарна. А. Шагьмарданов. Майишатдиз регьбервал гуникай веревирдер.
* цин пери сущ. це яшамиш жезвай гуьзел руш (махарик квай). Цин пери хьиз, аквазва вун, яргъарилай килигзамаз, Гьи лепейри кьерез гъанва, гьуьлуьн къере авай суна?! А. Мир. Гъезелар.
* цин рехъ сущ. рекьин тӀвар. Гьи рекьяй хтайтӀани, эвелни-эвел инсанрин фикир желбзавайди хуьруьхъ галай Цин рехъ тир. С. Муслимов. ЦицӀигъ-наме. Ашкъидикай рахун патал Цин рекьелай кутугай маса чка хуьре авачир. Цин рекьин яргъивал зур километрдилай гзаф хьун мумкин тир, ам, хуьруьн вини кьилихъай башламиш хьана, Кьилин яд лугьудай булахдал къван экя хьанвай. С. Муслимов. ЦицӀигъ-наме.
* цин терез сущ. эцигзавай цлан дуьзвал цин куьмекдалди къалурдай алат.