сущ.; -ди, -да; -ар, -ри, -ра куьлуь ва элкъвей чумал формадин лацу, чӀулав рангунин, чебни тӀуьн патал, чехир хкудун, мураба авун патал еке пешер алай чӀерейрик жедай емиш(ар). 1) Чина ципицӀар жедач, абур гьакӀан зегъметар я лугьуз къакъра ягъунар гзаф хьанай. З. Э. Муькъвел гелер. Насруллагь и кардал лап тажуб хьана. Чим авай гъвечӀи кӀанчӀар хьтин и гачӀичӀрал ципицӀар гьикӀ жедатӀа лугьуз, ам хиялдик акатна. Къ. Къ. Зегьметдин герой. ЦипицӀ, анар, чуьхвер, шафран Бул я ина - суфрадал. Къ. Р. Шадвал. 2) ( чӀехи гьарфуналди - Ц) дишегьлидин хас тӀвар: ЦипицӀ. ЦипицӀан кьилел кьве кьев гъана. ЦипӀицӀ галаз Шалбуз дагъда || Шейх Желил буба. Синоним: уьзуьм.