сущ.; -уь, -ве; -вер. -вери, -ера элкъвей гъвечӀи тварар авай магьсул. - Вичел тӀвар эцигда лежбер, Я къуьл, я мух, цуькӀ тийижиз. С. С. Вич яцӀуз кьадай авам. Муькуь гъвечӀи никӀин са кьатӀуна цуькӀ цанвай. А. Ф. Бубадин веси. Кеф чаз, -лагьана ада, -куьне учетар тухузва, кесибри чпихъ амай амачир белгемарни са тагьарда авай мухахъ, цуькӀуьхь маса гузва. Абуру чпин кьил пака гьикӀ хуьда? З. Э. Муькъвел гелер.
* цуькӀ авун гл., ни-куь вуж-вуч квадарун, тахьай мисал авун.
* цуькӀ \[цӀуькӀ\] хьун гл., вуж-вуч вилериз тахкун, квахьун. Къазибег йифен мичӀера цуькӀ хьана. А. А. Пад хьайи рагъ. Ам патал межлисра жедачир чка, Са терсвал авуртӀа, ЦуькӀ жедай пака... К. Ал. Гарни ахвар. СикӀ цуькӀ хьана, къвед валариз аватна... А. Ал.. Зун къекъвезвай... Вилаятда эдебият цуькӀ хьайи Критик яз вун хьун кар я гьикӀ хьайи? И. Гь. Вилаятда...
* цуькӀ цун гл., ни нихъ галаз рафтарвилер авун. Чин ярудахъ жеч хьи вафа. Вавди цуькӀ цун я хьи жафа. А. Гьажи. \[Брегьим\]. Ава, ава. Аси хьана, лап рекьяй акъатнава. Я Аллагь, ваз а Селиман руш зи чиниз экъечӀзавайвал акунайтӀа... Ваь, ваъ, абурухъ галаз цуькӀ цаз жедач. Б. Гь. Большевикдин руш.