араб, сущ,; -ди, -да; -ар, -ри, -ра 1) махсус алатдалди янавай ва я чӀугунвай нин-куьн ятӀани винел патан акунар. Гьамид Мурманскдиз хъфена, ада гьанай рахкурай чарни шикил агакь хъувурла, Зелфидиз мадни гзаф хвеши хьанай. А. А. Умуд. Садра гъиле кьуна за ви шикилар, - Лагьана за жуван ярдиздилбердиз... А. С БицӀек, вун... 2) уьмуьрда яшайишдин, дуланажагъдин лишан(ар). Дуьньядин тарихда тазва вуна шикилар... Е. Э. Девран, гьей! 3) гьакъикъат. Пакадин юкъуз биржа трудадиз фейи Къаюмаз -акур шикил масад хьана. Еке гъаят инсанрив ацӀанва. З. Э. КУТВ-диз фена. Синоним: суьрет.
* шикил чӀугун гл., т нин-куьн къелемдалди ва я рангаралди нин-куьн ятӀани винел патан акунар чарчел акъудун. Рушакай пачагь хьайила, ида шикил чӀугвадайбурув, виликан рушан шикилдаваз, вичин еке са суьрет чугваз туна. И суьретни рекьин патав гвай са булахдал ягъиз туна. Ф. Гьуьлуьн руш. Эгер заз, вилер акьална, абурун шикилар чӀугу лагьанайтӀа, за са четинвални авачиз и кар ийидай. А. Къ. Нехирбанни лекь.
* шикил ягъун гл., ни нин-куьн махсус тадаракдалди нин-куьн ятӀани винел патан акунар чарчел акъудун. - Зи стха гъвечӀи чӀавалай шикилар ягьунал рикӀ алай, завай, жуваз гьа и рекьяйни лазим тир чирвилер къачун тавуна, акъвазиз хьанач. А. Фет. Алим, художник, педагог.