сущ.; -ди, -да уьмуьр акьалтӀзавай вахт. - Малла Несредин, пака эхирзаман я, ша чна ви кӀел нен! Ф. Малла Несреддинан кӀел. Къуллугъчияр, эхирзаман рикӀел гъваш. Е. Э. РикӀел гъваш. - Пачагь амукь тавурла, чна вучда? - Эхирзаман мукьвал хьайила, жедай крар я. А. И. Самур. ☼ Чи словарра эхирзаман кьабулнава, кхьинра кьве жуьреда гьалтзава: эхирзаман ва эхир заман. Чун и уьлчме кьве гаф яз, яни мягькем ибара яз (эхир заман) кхьинин терефдар я.
* эхирзаман авун гл., ни 1) рикӀ гзаф туькьуьлардай гьалдиз гъун. Гъуьлуь лудай "Тур тӀун мугьман", Папа идай эхир заман... Е. Э. Мугьман тун тавур папаз. 2) кьин, амачир гьалдиз гъун.... Москва къачуз кӀан хьанай. Амма Полтавадин патав адан эхирзаман авунай! Р. Гь. Наполеоназ къалурай рехъ.