туьрк, прил. са вуч ятӀани вичел куьтягь жезвай. Шахмарданов Шихшамил вич дяведин сифте йикъалай эхиримжи йикъалди гуьллейрик йисар акъудай кас тир. А. А. Лезгияр. Межлисда ацукьнавайбуруз хъсандиз чизва хьи, эхиримжи гаф гьикӀ хьайитӀани Надир-шагьдинди я. З. Р. Гьажи Давуд.
* эхиримжи вахтара нар. ихтилат физвайдалай вилик квай вахтара. Уружа эхиримжи вахтара фекьивални ийизвай. С. Муслимов. ЦицӀигъ-наме. Эхиримжи вахтара чна лезгивилин гзаф лишанар квадарнава: милли тӀварар, къени къилихар, хъсан адетар. "Самур" газ., 2002, 21 XӀ.
* эхиримжи зенг сущ. гьар йисан майдин 25-числодиз школадин майдандал, аялар жергеда акъвазарна, абуру кӀелдай йис куьтягь хьуниз талукьарнавай мярекат. Совещанидал райондин школайра эхиримжи зенг гьикӀ кьиле фенатӀа, экзаменриз гъихьтин гъазурвилер аквазватӀа ва гатун каникулар гьина ва гьикӀ кечирмишдатӀа... информациядихъ яб акална. "Самурдин сес" газ., 2005, 4. VӀ.
* эхиримжи рекье \[сефердиз ракъурун\] тун гл., ни вуж кьейиди сура тун. Дишегьлияр гзаф! Тарцел алай емишар кьван ава, жегьил сусарни ава, гъуьлер эхиримжи сефердиз ракъурай хендедаярни ава. А. А. Лезгияр. Рекьин къерехра жегьил сусар, рушар акъвазнава. Абуру са-сада Велимет эхиримжи рекье хутаз, чпин яйлухар мейитдал вегьезва. М. В. Гьарасатдин майдандал.