туьрк, прил. Гьайиф къведай гьалда авай. Язух мугьманди са тахсирни квачирди яз дустагъдин ламу чилел йиф акъуднай кьван. Ф. Далалубегьли. Язух гададин гардан язава, мад завай адаз гьич са куьмекни хьжедач. Ф. Акьул ва бахт. Язух гада, хъвер къугъвазвай пӀузаррал, Тамир вуна кваз агьузар, Гъалимат. Е. Э. Гьалимат. Язух аял пакамалай няналди гьекь-каф хьана инихъ-анихъ чукуриз юрта жедай. А. Ф. Риза. Синонимар: кесиб, бахтсуз,
* язух атун гл., низ вуж-вуч ( нин-куьн ) язух касдин четин гьал къезилардай гьиссер атун. Рушаз адан язух атана, амма гьелелиг вичин сир ганач. Ф. Гьуьлуьн руш. Язух ша тӀун ваз зи агьузар, гуьзел. Е. Э. Яр гуьзел. Ви гъалариз килигайла, Язух къведа мад, Яру яц. Е. Э. Яру яц. \[ФатӀимат\] - ХарапӀа хьуй вун, дуьнья... Бубадиз веледдин язух татайла, а паталлай чарадаз гьични къвеч. Гь. Гь. Адетдин къармахра. Шалвардин кек чилелай физ, цаз акьахнавай кьецӀил кӀвачини кьецӀи ийиз, ам, куьчедиз экъечӀайла, язух къведай са шикилда жедай. А. Ф. Риза. - Вув, хинкӀар амаче. Эхиримжи чкалар за жуваз акъуднай, - язух къведай тегьерда лагьана къариди. Гь. Къ. Четин бахт. Гьар акатай гьидан хьайитӀани язух атайтӀа, авай гаф чинал лугьуз регъуь-кичӀе хьайитӀа, я туш а гаф лугьудай жуьре-къайда течиз хьайитӀа, ахьтин касдин гафар фад рикӀелайни алатда... К. К. Суьгьбетзава Максима.
* язух чӀугун гл., ни куьн язух касдин терефдар хьана, адакай фикир авун. Гьич садани кесибдин язух чӀугвадачир, амма Далалубегьлиди ам азад ийидай кьайда фагьумзавай. Ф. Далалубегьли. «Ништа, ни рекьелай алуднатӀа, чӀуру ниятдин кас туш ам», - язухар чӀугвадайбурни кими тушир. М. Б. «Жигули».
* язухди кун рах., гл., вуж нин-куьн дериндай гьайифдин гьиссери кьун. Улакь галачиз шегьерэгьлидин яшайиш фикирдиз гъайила, адан язухди куда. ЛГ, 2003, 13. ХӀ.