куьм. гл. 1) вуж ва я вуч ятӀани гьакъикъат тирди (туширди) къалурзавай гаф. Квез хупӀ икьван дердер ава, Фитне ийиз зендер ава. Е. Э. Фитнекар къарийриз. Самур! Самур! Ви кьве пата Са ивидин халкь ава. А. Къ. КьванцӀила. Сулейман, вахъ ава чирвал... С. С. Дуст я лугьуз куьгьне душман. Сулейманаз авайд я мез. С. С. Кпул. Вичиз девлет, пул авайдаз Кесибар алчах хьана хьи. С. С. Девлетлуяр, чиновникар. Нафт авачир ичӀи лампа Вавай ам куькӀуьриз жедайд туш. С. С. Къара пулуниз. Субутда за: ава чахъ халкьни Ватан, Вич гъвечӀи, рикӀ чӀехи азиз Лезгистан ! И. Ш. Кьудар. Хъсан мектеб авачир чкада халкьдихъ хъсан гележегни бажагьат жеда. ЛГ, 1996, 9. ӀӀ.. 2) существительное галачирла: мал-девлет хьун. Авачиз туш, ава хьи квехъ ацӀана. Е. Э. Азиз дустар, килигдачни зи гьалдиз? 2) глаголдин са бязи формайрихъ акал хьана вахтунин жуьреяр арадал гъидай гаф. Месела: 1) нез + ава - незава, ава нез, незва; къачуз + ава - къачузава, ава къачуз, къачузва; 2) тӀуьна + ава - тӀуьнава, тӀуьнва; къачуна + ава - къачунава, къачунва. Югъ жез мукьва авайла, абур Айрепетан кӀвализ хтана. А. И. Самур. Вири галаголрин гилан вахтунин формаяр деепричастидин формадихъ куьмекчи глаголар ава, ама акал хьана арадиз къведа... Р. И. Гьайдаров. Лезги чӀал.
* авай-авачир 1) вуч аватӀа, вири санлай. Ингъе 1941 - йис. Фашизмди вичихъ авай-авачир вири кьуватар кӀватӀна социализмдал гъужумна. А. С. Хуьруьг Тагьиран эсерар. Атауба хуьряй тир, девлетлу хпехъан, Авай-авачир советри къакъудна. Къ. М. Хайи чилин таватар. 2) авай Гъайванриз авай-авачир тӀуьн гана, им къаткана. Ф. Кесибдин хва Къагьруман.... Авай-авачирди чи вилик гъанава. Къ. М. Дагъларин деринрин булахар. 3) тек тир, теквилин кьадарда авай. Авай-авачир са гада Исакъ Махачкъалада яшамиш жезвай. Я. Къ. Юристдин дафтардай. Кесибдин Авай-авачир кални кьена. Р.
* авачир гаф сущ.; бинесуз кардикай ихтилат. Авачир гаф лугьун гунагь кар я. А. Ляметов. Деведин дерт.
* гаф авач, инсаф авачир, шак авач.