YoungBoy Never Broke Again
YoungBoy Never Broke Again və ya NBA YoungBoy (əsl adı: Kentrell DeŞon Qolden; 20 oktyabr 1999, Baton-Ruj, Luiziana, ABŞ) — ABŞ repçisi. O, 2015-ci ildən 2017-ci ilə qədər müstəqil olaraq səkkiz mikstep buraxıb və musiqisi ilə sadiq fanat bazası qazanıb. YoungBoy 2017-ci ildə Atlantic Records ilə müqavilə bağlayıb. Onun 2018-ci ilin yanvarında yayımladığı "Outside Today" sinqlı Billboard Hot 100 çartında 31-ci yerdə qərarlaşıb. Mahnı onun 2018-ci ildə çıxardığı ilk albomu olan "Until Death Call My Name"də yer alıb. Albom ABŞ Billboard 200 çartında 7-ci pilləyə yüksəlmişdir.
YoungBoy 2019-cu ilin oktyabr ayında Juice Wrld-un iştirak etdiyi "Bandit" adlı mahnını buraxdı. Bu mahnı onun hit-paradlarda ilk onluğa daxil olan ilk hiti olmuşdu. Bundan bir həftə sonra o, "AI YoungBoy 2" adlı ikinci miksteypini yayımlayıb. Miksteyp Billboard 200 çartına başçılıq edirdi.