1. Biri ilə ayaq-ayağa gedə bilmək, bərabər getmək, birgə yerimək.
Bizi müşayiət edən küçə adamları faytonla ayaqlaşıb bərabər gedə bilərdilər.
[Səlim] atı yavaş-yavaş sürdü ki, Abbas kişi ayaqlaşa bilsin.
Mən Eldarla ayaqlaşmaqda çətinlik çəkirdimsə də, utandığımdan dinməyib ardınca qaçırdım.
2. məc. Özünü birinə çatdırmağa, oxşatmağa çalışmaq; yarışmaq.
Uşaq anası və bacısı ilə ayaqlaşmağa çalışır, onlara əlavə yük olmaq istəmirdi.
Kənddə ruh, iradə və qoçaqlıqda bu cavanlarla ayaqlaşan və onlardan geri qalmayan igid qocalar da az deyildir.
3. məc. Uyğunlaşmaq, günün tələbinə cavab vermək. Yazıçılar günün tələbi ilə ayaqlaşmalıdırlar.