1. Şifahi və ya yazılı suala, sorğuya və s.-yə qarşılıq olaraq söylənən söz (sual, sorğu müqabili). Cavab tapmaq. Cavabı ölçüb-biçmək. Bu cavab olmadı.
– Nə üçün trest geridə qalır? Sual qısa və aydın olduğu üçün cavab da eyni dərəcədə qısa və aydın olmalı idi.
// Yazılan məktuba, müraciətə və s. cavab olan məktub. …Məktubun cavabını aldım. Ərizənin cavabı hələ də yoxdur.
– Bahadır kağızına cavab gözləyirdi.
// Keçilmiş dərsin və ya verilmiş sualın müəllimə izah edilməsi; verilmiş suala dair materialın xülasə edilməsi. Cavablar imtahan komissiyasını qane etdi. Cavablara diqqətlə qulaq asmaq.
– …Ancaq verdiyim izahedici suallara Ağarəhim çox qəşəng cavablar verdi.
□ Cavab vermək – 1) sorğuya qarşılıq olaraq söz demək.
Məmməd səbirli tərpəndi, sakit və soyuqqanlı cavab verdi. ;
2) məsuliyyət daşımaq, cavabdeh olmaq.
[Nüsrət:] Hər şey üçün mən özüm cavab verəcəyəm.
[Zahid oğlu:] Qoy indi Fərhad oğlu öz ağ başı ilə ədalət məhkəməsi qarşısında cavab versin!
// Çağırışa hay vermə, səsə səs vermə.
Cavab əvəzinə yenə də eyni sükut…
2. Riyazi misal və məsələnin həlli, nəticəsi. Məsələnin düzgün cavabını almaq. Misala cavab yazmaq.
