1. Getmə işi; getmə.
Gəlişin istər aşiq; Heç istəməz gedişin.
[Uluq bəy:] Gedişi köksümə çəkir odlu dağ; Görüşü qəlbimdə yandırır çırağ.
Kazım fəqət xəbərsizdi bu işdən; Xəbərsizdi bu uğurlu gedişdən.
// Getmə (yerimə) tərzi. Bu gedişlə axşama ancaq çata bilər.
2. məc. Bir işin, hadisənin inkişafı, cərəyanı. Hadisələrin gedişi. Xəstəliyin gedişi. Mübarizənin gedişi.
– Lakin həyatın gedişi Fərmanın düşündüyü kimi olmadı.
Kimsədə yoxdur günah, dünyanın gedişi bu; Mənim də ilk eşqimin fırtınalı qışı bu…
3. idm. Kart, şahmat, dama və s. oyunlarda oyunçunun növbəti çıxışı. Növbəti gediş. Bir neçə gedişdən sonra oyun təxirə salındı. İkinci gedişdə oyunu uduzdu.