1. Gurultusu olan, çox səs salan, gurultu salan.
Yağış nə qədər gurultulu (z.) yağsa, o qədər sonra hava xoş və aydın olur…
Səndə gurultulu bir çağlayan var; Bu dönməz çağlayan durmadan axar.
□ Gurultulu alqış(lar) – uzun sürən, sürəkli alqış(lar).
Oğlan və qızların sevinc və səsləri, gurultulu alqışları salonu bürüdü.
2. Səs-küy çox olan, səs-küylü, gedişgəliş çox olan, izdihamlı. Gurultulu gecə. Gurultulu meydan.
– [Nərgiz:] Mən əvvəllər təsəvvürümə gətirə bilmirdim ki, gurultulu şəhər həyatından sonra kənddə necə dolanacam.
3. məc. Həddindən artıq təntənəli, bəzəkli, dəbdəbəli, təmtəraqlı. Gurultulu sözlər.