1. Bir işin, hadisənin başlanması ilə qurtarması arasındakı, yaxud bir şey üçün müəyyən edilmiş vaxt, zaman. Təhsil müddəti.
– [Qadın:] Molla, məni günaha batırdın, siğənin müddəti çoxdan tamam olmuşdur.
[Rəhim:] Parovozun adi təmirinə 96 saat tələb olunduğu halda, biz təmir müddətini 24 saata endirdik.
// Ümumiyyətlə, vaxt, zaman.
□ (Bir) az müddət – az zaman, az vaxt. Az müddət içərisində dil öyrəndi.
– [Dərviş] … bərk köksünü ötürüb bir az müddətdən sonra məndən sordu.
[Göyərçin:] Böyük bir saray az müddətdə tikilib başa gələ bilər.
Bir müddət – bir neçə vaxt, bir zaman, bir qədər. Bir müddət gözləmək.
– Bir müddət işlədikdən sonra bəy [Nəbinin] haqqını kəsir. “”.
Teymur bir müddət dalanın ağzında dayanıb nə edəcəyini bilmədi.
(Bir) neçə müddət – bax bir müddət.
Bir övrət bir kişi ilə neçə müddət yaşayandan sonra bunların övladı olur.
Beləliklə, İskəndər bəy dağlarda neçə müddət padşahlıq elədi.
Bu müddət(də) – bu dövr(də), bu vaxt(da).
2. Mövsüm. Ov müddəti. Əkin müddəti.
