RAMİŞ

Nina Şalovna Ramişvili (gürc. ნინო შალვას ასული რამიშვილი;6 (19) yanvar 1910, Tiflis – 6 sentyabr 2000, Tbilisi) — Sovet, gürcü rəqqasəsi (balet artisti), xoreoqraf, baletmeyster. Sosialist Əməyi Qəhrəmanı (1990), SSRİ xalq artisti (1963), Birinci dərəcəli Stalin mükafatı (1949) və Gürcüstan SSR Dövlət mükafatı (1974) laureatı. 1910-cu il yanvarın 6-da (19) Tiflisdə (digər məlumatlara görə Bakıda) anadan olmuşdur. 1922-1927-ci illərdə Tbilisi Opera və Balet Teatrının (indiki Tbilisi Xoreoqrafiya Məktəbi) nəzdində Dövlət Balet Məktəbində təhsil almışdır (müəllimi Mariya Perini olub). Məktəbi bitirdikdən sonra teatrın truppasına qəbul olunmuşdur. Əvvəlcə kordebaletdə, sonra solo rəqs hissələrini ifa etmişdir. 1937-ci ildə Opera və Balet Teatrını tərk etməli oldu. Səbəb aparıcı balerinalardan birinin Ninonu onu zəhərləməyə cəhddə ittiham etməsi olub. Bu epizod haqqında Gürcü qadınlarının tarixindən kitab yazan yazıçı və jurnalist İ.Obolenski yazmışdır.

İsidore Ramişvili (gürc. ისიდორე რამიშვილი; 7 iyun 1859, Ozurqeti qəzası[d], Kutaisi quberniyası – 3 yanvar 1937, Tbilisi) — gürcü sosial-demokrat siyasətçi, jurnalist, Kutaisi quberniyasından birinci çağırış Dövlət Dumasının deputatı, Rusiya imperiyasında menşevik hərəkatının liderlərindən biri. Birinci rus inqilabı zamanı o, Kutaisi qubernatorluğu üzrə Birinci Dövlət Dumasına seçilmiş və onun aparıcı menşevik deputatlarından biri olmuşdur. O, həmçinin İosif Stalinin partiyadan qovulması ilə nəticələnən proseslərə də rəhbərlik edib. 1908-ci ildə həbs olunub, Rusiya inqilabına qədər Həştərxanda sürgündə olub. Petroqrad Sovetinin İcraiyyə Komitəsinin üzvü vəzifəsində çalışmışdır. O, 1917-ci ilin martında Petroqrad dəfn mərasimini təşkil etmək üçün yaradılmış xüsusi komitəyə rəhbərlik etmişdir. Bolşevik Oktyabr İnqilabından sonra o, Gürcüstana qayıdıb, burada 1919-cu ildə Gürcüstan Demokratik Respublikasının Təsis Məclisinə deputat seçilib. 1918-ci ilin yayından 1920-ci ilin sentyabrına qədər o, Gürcüstan hökumətinin Abxaziyadakı elçisi olub. 1921-ci ilin əvvəlində Qırmızı Ordunun Gürcüstana hücumu onu siyasətdən getməyə məcbur edib.