Şamaxı şəhər stadionu

Şamaxı şəhər stadionu — Azərbaycanın Şamaxı şəhərində yerləşən futbol stadionu. Stadionun açılışı 1 noyabr 2021-ci ildə baş tutmuşdur.[1] Stadionda Şamaxı FK ev oyunlarını keçirir.

Şamaxı şəhər stadionu
Stadionun yuxarıdan görünüşü.
Stadionun yuxarıdan görünüşü.
Xəritə
Yeri Şamaxı şəhəri, Şamaxı rayonu, Azərbaycan Azərbaycan
Açılış tarixi 1 noyabr 2021
Tamaşaçı tutumu 2200
Ev sahibi komanda Şamaxı FK
Ot örtüyü süni
Vikianbarın loqosu Vikianbarda əlaqəli mediafayllar

Tarixi

[redaktə | mənbəni redaktə et]

Stadionun inşası üçün ayrılan maliyyə vəsaitinin 87%-i UEFA tərəfindən,[a] 13%-i isə AFFA tərəfindən təmin olunub[1] və Şamaxı rayon İcra Hakimiyyətinin birgə layihəsi ilə tikilib.[2] İnşaat işləri 2020-ci ildə başlayıb.[2] Açılış 1 noyabr 2021-ci ildə baş tutub.[1] Açılışda Azərbaycan prezidenti İlham Əliyev və birinci xanım Mehriban Əliyeva iştirak ediblər.[1]

10 noyabr 2021-ci ildə alınan qərara əsəsən 2022-ci ildən "Keşlə" FK adını "Şamaxı" FK dəyişərək Şamaxı şəhərini təmsil edir və ev oyunlarını da bu stadionda keçirir.[3]

Stadionda ilk oyun 9 aprel 2022-ci ildə baş tutmuş və "Şamaxı" ilə "Neftçi" klubları (1:2) arasında keçirilmişdir. İlk qolu 10-cu dəqiqədə "Şamaxı"nın heyətində Rəhman Hacıyev vurmuşdur.[4]

Xüsusiyyətlər

[redaktə | mənbəni redaktə et]

Stadionun azarkeş tutumu 2200 nəfərdir və UEFA-nın ikinci kateqoriyalı sertifikatına malik olması planlaşdırılır.[1] UEFA klub yarışlarının I, II və III təsnifat mərhələlərinin, eləcə də, əsas milli komandadan başqa bütün yaş qruplarına aid milli komandaların oyunları bu stadionda keçirilə bilər.[1] Əsas meydanın tribunaları tavanla örtülüb və ətrafında qaçış zolağı yerləşir.[2] Ot örtüyü sünidir.[5] Stadion ərazisindəki idman kompleksində güləş və cüdo üçün nəzərdə tutulan zal, eləcə də, fitnes zalı tikilib.[1] Bunlardan əlavə, stadionun ərazisində süni örtüklü iki minimeydança inşa edilib və bu meydançaların 300 nəfər azarkeş tutumuna malik tribunası var.[1]

Qeydlər

[redaktə | mənbəni redaktə et]
  1. ↑ UEFA-nın "Hat-Trick" layihəsi əsasında.[2]

İstinadlar

[redaktə | mənbəni redaktə et]
  1. ↑ 1 2 3 4 5 6 7 8 "İlham Əliyev və birinci xanım Mehriban Əliyeva Şamaxı şəhər stadionunun açılışında iştirak ediblər". President.az (az.). 1 noyabr 2021. 2021-11-21 tarixində arxivləşdirilib. İstifadə tarixi: 5 noyabr 2021.
  2. ↑ 1 2 3 4 "Şamaxı şəhərində stadion inşa olunur". AFFA (az.). 9 iyul 2020. 2021-11-07 tarixində arxivləşdirilib. İstifadə tarixi: 5 noyabr 2021.
  3. ↑ ""Keşlə"nin adı dəyişdi – Bu rayonu təmsil edəcək". Qol.az (az.). 10 noyabr 2021. 2021-11-10 tarixində arxivləşdirilib. İstifadə tarixi: 10 noyabr 2021.
  4. ↑ ""Neftçi" Şamaxıda sevindi, "Zirə" "Sabah"a məğlub oldu". Rekord. İstifadə tarixi: 10 aprel 2022.
  5. ↑ "AFFA Şamaxıda stadion tikir". Son xəbər (az.). 10 mart 2020. Archived from the original on 2021-11-07. İstifadə tarixi: 5 noyabr 2021.