Aslan Hüseynov (dövlət xadimi)

Vikipediyada bu ad-soyadlı digər şəxslər haqqında da məqalələr var; bax: Aslan Hüseynov.

Aslan Ağahüseyn oğlu Hüseynov (7 noyabr 1916, Salyan, Cavad qəzası – 19 avqust 1991) — Azərbaycan dövlət, siyasi və təsərrüfat xadimi, Salyan və Yardımlı Rayon Partiya Komitəsinin birinci katibi, Azərbaycan Kommunist Partiyası Naxçıvan Vilayət Komitəsinin 1-ci katibi.[1] (1970–1975), SSRİ Ali Sovetinin VII, VIII və IX çağırış, Azərbaycan SSR Ali Sovetinin VI və X çağırış deputatı.

Aslan Hüseynov
mart 1970 – 28 dekabr 1975
ƏvvəlkiHacıağa İbrahimov
SonrakıKamran Rəhimov
1961 – 1970
ƏvvəlkiSəfər Verdiyev
SonrakıNəriman Əliyev
1957 – 1961
Şəxsi məlumatlar
Doğum tarixi 7 noyabr 1916(1916-11-07)
Doğum yeri
Vəfat tarixi 19 avqust 1991(1991-08-19) (75 yaşında)
Partiya
Təhsili
Fəaliyyəti siyasətçi
Rütbəsi podpolkovnik[d]
Təltifləri "Lenin" ordeni "Oktyabr inqilabı" ordeni 1-ci dərəcəli "Vətən müharibəsi" ordeni 2-ci dərəcəli "Vətən müharibəsi" ordeni "Qırmızı əmək bayrağı" ordeni "Qırmızı ulduz" ordeni "1941–1945-ci illər Böyük Vətən müharibəsində Almaniya üzərində qələbəyə görə" medalı "Vyananın alınmasına görə" medalı "Belqradın azad edilməsinə görə" medalı

Həyatı

[redaktə | mənbəni redaktə et]

Aslan Hüseynov 1916-cı ildə fəhlə ailəsində anadan olmuşdur. Azərbaycan Politexnik İnstitutunda təhsil almışdır.

1931–1947-ci illərdə Salyan Rayon Prokurorluğunun nəzarət komitəsinin katibi, Salyan Rayon Xalq Deputatları Soveti İcraiyyə Komitəsinin məsul katibi olmuş, Sov. İKP yanında Ali Partiya Məktəbində təhsil almış və Sovet Ordusunda xidmət etmişdir.

1947–1949-cu illərdə Azərbaycan Kommunist Partiyası Salyan Rayon Komitəsinin inspektoru, şöbə müdiri, tikinti-quraşdırma təşkilatlarının siyasi şöbə rəisinin müavini və rəisi olmuşdur.

Siyasi fəaliyyəti

[redaktə | mənbəni redaktə et]

1957-ci ildə Azərbaycan Kommunist Partiyası Salyan Rayon Komitəsinin birinci katibi təyin olunmuşdur. 1961-ci ildə isə Azərbaycan Kommunist Partiyası Salyan Rayon Komitəsinin birinci katibi seçilmişdir. 1970-ci ildə isə Azərbaycan Kommunist Partiyası Naxçıvan Vilayət Komitəsinin birinci katibi təyin olunmuşdur.

Aslan Hüseynov 1976–1980-ci illərdə Azərbaycan Kommunist Partiyası Mərkəzi Komitəsinin yanında partiya komissiyasının sədri olmuşdur.

Aslan Hüseynov SSRİ Ali Sovetinin VII, VIII, IX və Azərbaycan SSR Ali Sovetinin VI, X çağırışlarının deputatı olmuşdur.

Təltifləri

[redaktə | mənbəni redaktə et]

Mənbə

[redaktə | mənbəni redaktə et]
  • Аслан Ағаһүсејн оғлу Һүсејнов // Азәрбајҹан ССР Али Советинин депутатлары. Онунҹу чағырыш. Бакы: Азәрбајҹан Дөвләт Нәшријјаты. 1982. С. 420.

İstinadlar

[redaktə | mənbəni redaktə et]
  1. ↑ "Нахичеванский областной комитет КП(б) - КП Азербайджана" ( (rus.)). knowbysight.info. 18 July 2017 tarixində arxivləşdirilib. İstifadə tarixi: 16 may 2018.