Korelliya (ing.Corellia) — "Ulduz müharibələri" kainatında uydurma planet. Planet qalaktikanın mərkəzində yerləşir,[1] mülayim iqlimi var, meşələr, cəngəlliklər və şəhər mərkəzləri ilə örtülüdür.[2] Korelliyanın paytaxtı Koronet-Sitidir.[3] Planetin insan sakinləri korelliyalılar adlanır[4] və onlar kosmik səyahətə maraqları ilə tanınırlar.[2] Onlardan ən görkəmlisi Han Solodur.[5] İnsanlarla yanaşı, planetdə barbadelanlar, besalisklər,[4] tszerialanlar, qrindalidlər, kel-dorlar, pa'loviklər, rodianlar, sallastanlar,[6] tvi'leklər və uqorlar kimi bir neçə yadplanetli növ də məskunlaşmışdır. Bundan əlavə, Korelliya həm də bir neçə yerli canlının, o cümlədən Korelliya itləri[2] və ilanbalıqlarının[7] evidir.
