C-3PO

C-3PO və ya Si-Tripio (ing. See-Threepio)[1] — "Ulduz müharibələri" kosmik opera franşizasında humanoid robot personaj. Personaj film seriyasının orijinal trilogiyasında, prikvel trilogiyasında və sikvel trilogiyasında nümayiş olunmuşdur. Anakin Skayvalker tərəfindən yaradılmış C-3PO etiket qaydaları və adət-ənənələrə riayət, eləcə də tərcümədə kömək etmək üçün hazırlanmış protokol droididir[2] və onun ən təbliğ olunan xüsusiyyəti "altı milyondan çox ünsiyyət formasında səlis danış"masıdır.[3] Astromexaniki droid yoldaşı və dostu R2-D2 ilə birlikdə C-3PO filmlərin narrativ struktura komik relyef təmin edir. Entoni Deniels personajın nümayiş olunmadığı "Han Solo: Ulduz müharibələri. Hekayələr" (2017) filmi istisna olmaqla bu günə qədər yayımlanan on iki "Ulduz müharibələri" filminin on birində C-3PO-nu canlandırmışdır.[4][a]

C-3PO
Ulduz müharibələri personajı
İlk görünmə "Ulduz müharibələri" (1977)
Yaradan Corc Lukas
Canlandıran
Məlumat
Ləqəb(lər)i Tripio
Növü
  • Droid
Cinsi kişi[d]
Peşə Protokol droidi

Laqeyd təbiətinə baxmayaraq, C-3PO qalaktikanın tarixində mühüm rol oynamışdır. O, Şmi Skayvalker, Lars ailəsi, Padme Amidala, Beyl Orqana, Reymus Antilles, Lyuk Skayvalker, Cabba Hat və Leya Orqananın xidmətində olmuşdur. Əksər təsvirlərdə C-3PO-nun xarici görünüşü qızıl haşiyədən ibarətdir, lakin gümüşlə örtülənmiş sağ ayağı fərqlənir.[5] C-3PO həmçinin həm kanon, həm də "Ulduz müharibələri: Əfsanələr" ardıcıllıq romanlarında, komikslərində və video oyunlarında tez-tez nümayiş edilmiş və eyni zamanda "Droidlər" animasiya teleserialının baş qəhrəmanı olmuşdur.

Yaradılma

[redaktə | mənbəni redaktə et]

Entoni Deniels əvvəlcə C-3PO rolunu canlandırmaqdan çəkinirdi, lakin personajın süjetdəki rolunu oxuduqdan və Ralf MakKuorrinin konsepsiya əsərini görəndən sonra fikrini dəyişmişdir.[6] C-3PO üçün ilk personaj dizaynı əsasən 1927-ci ildə çəkilmiş Almaniya elmi fantastika filmi "Metropolis" personajı olan "Maşın adam"a əsaslanırdı.[7] Corc Lukas əvvəlcə personajı amerikan ləhcəsi ilə danışan "fırıldaqçı" kimi təsəvvür etsə də, Denielsin kastinqdə 30 digər aktyoru kölgədə qoyması ilə fikrini dəyişmişdir.[8] C-3PO adı Corc Lukasın doğma şəhərinin xəritəsindən götürülmüşdür. "Gücün oyanması" (2015) filminin çəkilişləri zamanı C-3PO-nun sol qolu qırmızı rəngdə verilmişdir.[9] Buna səbəb olan hallar "Marvel Comics" tərəfindən nəşr olunan "Star Wars Special: C-3PO: The Phantom Limb" adlı komiksdə təsvir edilmişdir.'[10][11]

Qəbulu

[redaktə | mənbəni redaktə et]

"Mir fantastiki" jurnalı C-3PO və R2-D2-ni "ən yaxşı robotlar" siyahısında 2-ci yerə layiq görmüşdür.[12]

Qeydlər

[redaktə | mənbəni redaktə et]
  1. ↑ Buna baxmayaraq, Entoni Deniels "Solo" filmində başqa rolu canlandırmışdır və beləliklə, bütün on iki "Ulduz müharibələri" kinofilmlərində iştirak etmiş yeganə şəxs olmuşdur.

İstinadlar

[redaktə | mənbəni redaktə et]
  1. ↑ Szostak, Phil. The Art of 'Star Wars: The Force Awakens'. Abrams Books. 2015. səh. 252. ISBN 978-1-4197-1780-2.
  2. ↑ Star Wars Character Encyclopedia: Updated and Expanded (First). DK Publishing. 2016. səh. 36. ISBN 978-5-0010-1452-2.
  3. ↑ Star Wars: Absolutely Everything You Need to Know (Second). DK Publishing. 2016. səh. 48. ISBN 978-5-0010-1453-9.
  4. ↑ "Here's who C-3PO actor Anthony Daniels played in 'Solo: A Star Wars Story'". EW.com (ingilis). 2022-02-15 tarixində arxivləşdirilib. İstifadə tarixi: 2021-02-25.
  5. ↑ Mallenbaum, Carly. "Anthony Daniels confirms it: C-3PO's always had a silver leg... 'til now". USA Today. 15 December 2015. 15 February 2022 tarixində arxivləşdirilib. İstifadə tarixi: 11 December 2016.
  6. ↑ "The Official Anthony Daniels Web Site". 2016-08-07 tarixində arxivləşdirilib. İstifadə tarixi: 2022-02-13.
  7. ↑ Eisner, Lotte, Fritz Lang, New York: Oxford Univ. Press, 1977 ISBN 0-306-80271-6
  8. ↑ Scanlon, Paul. George Lucas: The Wizard of 'Star Wars' // Rolling Stone (magazine) (ingilis). — 1977. — 25 avqust.
  9. ↑ "Star Wars: Why C-3PO has a red arm in The Force Awakens". independent.co.uk. The Independent. 2016-04-14. 2017-11-07 tarixində arxivləşdirilib. İstifadə tarixi: 2017-11-05.
  10. ↑ "Star Wars Special: C-3PO (2016)". marvel.com. Marvel.com. 2018-03-19 tarixində arxivləşdirilib. İstifadə tarixi: 2017-09-03.
  11. ↑ "Star Wars Special: C-3PO # 1 - Exclusive Preview!". starwars.com. StarWars.com. 2016-04-12. 2016-08-25 tarixində arxivləşdirilib. İstifadə tarixi: 2017-09-03.
  12. ↑ Попов, Михаил. "Друзья человека Самые-самые… роботы!". Mir fantastiki (39). 2006: 124—130. 2015-03-20 tarixində arxivləşdirilib. İstifadə tarixi: 2022-02-13.

Xarici keçidlər

[redaktə | mənbəni redaktə et]
Vikianbarda C-3PO ilə əlaqəli mediafayllar var.

sp