Psycho-Pass

Psycho-Pass (サイコパス, Saiko Pasu?, azərb. Psixopasport‎) – Production I.G studiyası tərəfindən istehsal olunmuş kiberpank və cinayət trilleri anime serialı. Rejissorları Naoyoşi Şiotani və Katsuyuki Motohiro, ssenaristi Qen Urobuçi, personaj dizayneri Akira Amano, bəstəkarı Yuqo Kannodur. Personajları səsləndirən orijinal heyətə Kana Hanazava (Akane Tsunemori), Tomokazu Seki (Şinya Koqami) və Takahiro Sakuray (Şoqo Makişima) daxildirlər. Anime serialı 12 oktyabr 2012-ci ildən 22 mart 2013-cü ilə kimi Fuji TV telekanalının NoitaminA veriliş blokunda yayımlanmışdır. 2014-cü ildə ikinci mövsümü, 2015-ci ildə anime filmi buraxılmışdır. 2019-cu ildə yığma film trilogiyası buraxılmağa başlamışdır. Üçüncü mövsümü anons edilmişdir.

Psycho-Pass
Anime serialının posteri.
PSYCHO-PASS サイコパス
(Saiko Pasu)
azərb. Psixopasport‎
Janr antiutopiya, cinayət trilleri, kiberpank[1][2]
Anime
RejissorNaoyoşi Şiotani
Katsuyuki Motohiro
ProdüsserKoci Yamamoto (baş)
Qeorqe Vada

Kenci Tobori
Vakana Okamura
SsenaristQen Urobuçi
BəstəkarYuqo Kanno
StudiyaProduction I.G
Digər lisenziyalar
Madman Entertainment
Funimation
Manga Entertainment
KanalFuji TV (Noitamina)
Buraxılış tarixi12 oktyabr 2012 – 22 mart 2013
Seriyalar22 (seriya siyahısı)
Manqa
Inspector Akane Tsunemori
YazıçıHikaru Miyoşi
NəşriyyatShueisha
JurnalJump Square
Demoqrafiyaşonen
Nəşr tarixi2 noyabr 2012 – 4 oktyabr 2014
Cildlər6 (cild siyahısı)
Manqa
ManqakaMakoto Fukami
NəşriyyatMag Garden
Demoqrafiyaseynen
Nəşr tarixi4 fevral 2013 – 4 aprel 2013
Cildlər2
Manqa
Inspector Shinya Kogami
YazıçıMidori Qoto
RəssamNatsuo Say
NəşriyyatMag Garden
Tərcüməçi nəşriyyat
JurnalMonthly Comic Blade
Demoqrafiyaşonen
Nəşr tarixi30 iyun 2014 – hazırda
Cildlər6 (cild siyahısı)
Anime
Psycho-Pass 2
RejissorNaoyoşi Şiotani
Kiyotaka Suzuki
ProdüsserKoci Yamamoto (baş)
Akitoşi Mori
Masaya Sayto
Fumi Morihiro
Kenci Tobori
Qeorqe Vada
SsenaristTo Ubukata
BəstəkarYuqo Kanno
StudiyaTatsunoko Production
Digər lisenziyalar
Madman Entertainment
Funimation
Anime Limited
KanalFuji TV (Noitamina)
Buraxılış tarixi10 oktyabr 2014 – 19 dekabr 2014
Seriyalar11 (seriya siyahısı)
Anime
Psycho-Pass 3
RejissorNaoyoşi Şiotani
StudiyaProduction I.G
KanalFuji TV (Noitamina)
Buraxılış tarixioktyabr 2019 – planlaşdırılır
Anime filmləri
  Anime və manqa portalı

Anime serialında hadisələr avtoritar antiutopik gələcəkdə baş verir. Bu dünyada hər yerdə mövcud olan ictimai sensorlar fasiləsiz olaraq hər keçən vətəndaşın zehni vəziyyətini analiz edir. Hazırkı zehni vəziyyətinə və ümumi şəxsiyyətinə əsaslanaraq cinayət törətmə potensialına malik vətəndaşlar müəyyənləşdirilir. Bu göstəricilərə vətəndaşın psixopasportu deyilir. Göstəricilərin qiyməti həddən çox yüksək qeydə alınanda məsul şəxslər bundan xəbərdar olurlar və İctimai Təhlükəsizlik Bürosunun rəsmiləri dərhal hadisə yerinə göndərilirlər. Rəsmilər "Hökmdarlar" adlandırılan və qarşısındakı şəxsin psixopasportuna əsaslanaraq gücünü tənzimləyən enerji tapançaları daşıyırlar. Hekayə Şinya Koqami, Akane Tsunemori və İctimai Təhlükəsizlik Bürosunun Cinayət Tədqiqat Diviziyasının bir nömrəli birliyinin digər üzvlərinin başına gələn hadisələrdən bəhs edir.

"Psycho-Pass" animesi Production I.G studiyasının Mamoru Oşiinin uğurlarının davamını gətirmək marağından doğmuşdur. Anime serialı bir neçə filmdən ilhamlanmışdır. Baş rejissor Katsuyuki Motohiro antiutopik hekayədən istifadə edərək cəmiyyətin gəncliyindəki psixoloji mövzulara toxunmaq istəmişdir. "Psycho-Pass" bir çox kitab və filmdən təsirlənmişdir. Bunlardan ən önəmlisi 1982-ci ildə istehsalı "Ülgücün üzəri ilə qaçan" elmi fantastika filmidir.

Anime serialı Madman Entertainment, Funimation və Manga Entertainment tərəfindən lisenziyalaşdırılmışdır. 2014-cü ilin oktyabrından dekabrına kimi anime serialının ikinci mövsümü yayımlanmışdır. 2015-ci ilin yanvarında anime filmi adaptasiyası buraxılmışdır. 2018-ci ilin martında "Psycho-Pass: Sinners of the System" adlı film trilogiyası anons edilmişdir. Trilogiyanın 2019-cu ilin yanvarında buraxılması planlaşdırılır. İki manqa adaptasiyası və bir neçə ranobe (orijinal adaptasiya və prikvel) nəşr olunmuşdur. Nitroplus Staffers tərəfindən Production I.G ilə birlikdə "Chimi Chara Psycho-Pass" adlı epizodik videooyun adaptasiyası istehsal olunmuşdur.

Birinci anime serialı "Psycho-Pass" həm Yaponiyada, həm Qərbdə müsbət tənqidlər almışdır. Tənqidçilər personajların antiutopik dünyadakı rollarını və qarşılıqlı ünsiyyətlərini bəyənmişdirlər. Bəzi qüsurlara görə son seriyaların DVD cildlərində düzəldilməsinə baxmayaraq, animasiya da çox bəyənilmişdir, Digər tərəfdən ikinci mövsümü "Psycho-Pass 2" qanlı səhnələrin çox istifadəsinə və yeni cinayətkarına görə müxtəlif rəylər almışdır.

Məzmun

[redaktə | mənbəni redaktə et]

Qurma

[redaktə | mənbəni redaktə et]

"Psycho-Pass" animesində hadisələr 2113-cü ildə – futuristik Yaponiyada cərəyan edir. Sivilla sistemi (シビュラシステム, Shibyura Shisutemu?) adlı güclü psixometrik skanerlər şəbəkəsi beynin kimatik skanından istifadə edərək aktiv şəkildə vətəndaşların zehni vəziyyətlərini kontrol edir. Yekun göstəricilər vətəndaşın psixopasportu (サイコパス, Saikopasu?) adlandırılır. Əgər hər hansı şəxsin zehni vəziyyət göstəriciləri Cinayət əmsalı (犯罪係数, Hanzaikeisū?) indeksini keçərsə, potensial cinayətkar hesab olunur. Şəxs polislər tərəfindən izlənilir, yaxalanır, lazım olarsa öldürülür. "İcraçılar" adlı elit rəsmilər ancaq cinayət əmsalının qiyməti yüksək olan şəxsə yönəldikdə aktivləşən "Hökmdarlar" adlı xüsusi silahlar daşıyırlar. İcraçıların özləri isə cinayət əmsalı yüksək olan şəxslərdən – potensial cinayətkarlardan seçilir; onlar polis inspektorlar tərəfindən nəzarət olunurlar. İcraçılar cəmiyyət üçün təhlükəli olduqda polis inspektorlar onları öz Hökmdarları ilə vurmaq səlahiyyətinə malikdirlər.

Hekayə

[redaktə | mənbəni redaktə et]
Həmçinin bax: Psycho-Pass personajlarının siyahısı

Hekayə Akanenin ilk missiyasında nəzarət altında saxladığı Şinya Koqami ilə başlayır. Akane Tsunemori İctimai Təhlükəsizlik Bürosunun Cinayət Tədqiqat Diviziyasının bir nömrəli birliyinin yeni polis inspektorudur. Birinci missiyada Akane cinayətkarın həyatını təhdid etdiyini düşündüyü üçün Koqamini vurur, lakin daha sonra bundan xəcalət çəkir, amma Koqami araya qarışdığı və cinayətkar olmasının qarşısını aldığı üçün Akaneyə təşəkkür edir və Akane postunu tərk etmir. Koqamidən başqa Akaneni ciddi şəxsiyyətə malik və icraçılara yuxarından aşağı baxan veteran inspektor Nobuçika Qinoza, orta yaşlı keçmiş detektiv Tomomi Masaoka, hələ uşaq ikən potensial cinayətkar hesab olunan qayğısız Şusey Kaqari və terrorçu ilə münasibətdə olduğu üçün potensial cinayətkar hesab olunan keçmiş musiqiçi Yayoy Kunizuka müşayiət edirlər. Akanenin ilk tədqiqatları boyunca birlik ağıllı cinayətkar Şoqo Makişimanın fəaliyyətini üzə çıxarır. Makişima kriminal asimptomatikdir (免罪体質, Menzai Taishitsu?). Nə qədər cinayət əməli törətsə, cinayət planı qursa belə, Sivilla sistemi cinayət əmsalını aşağı qeydə alır. Bu isə onun Hökmdarlar ilə vurulmasını mümkünsüz qılır.

İcraçılar və inspektorlar Sivilla sistemi tərəfindən qurulan cəmiyyəti məhv etməyi qarşısına məqsəd qoyan Makişimanın arxasınca düşürlər. Bu məqsədinə nail olmaqdan ötrü polisləri Sivilla sisteminin yerləşdiyi Sağlamlıq və Rifah Nazirliyinin Nona qülləsindən uzaqlaşdırmaq üçün şəhərdə iğtişaşlar törədir. Kaqami və Akane Makişimanın qüvvələrini dayandırırlar, Kaqami isə onun müttəfiqlərindən birini qülləyə qədər izləyir. Büro şefi Coşu Kasey Sivilla sisteminin real görünüşü haqqındakı sirri gizli saxlamaq üçün Makişimanın müttəfiqi və Kaqarini öldürür. Kasey Makişimaya deyir ki, Sivilla sistemi onun kimi asimptomatik şəxslərin ümumi beyin qrupundan ibarətdir və onun da bu qrupa qatılmasını arzulayır, lakin Makişima qaçır. Makişimanın qaçışı arxasındakı həqiqəti öyrənən Koqami onu öldürmək üçün birlikdən ayrılır. Daha sonra Akane Sivilla sistemi ilə birbaşa kontaktda olur və Makişimanı sağ ələ keçirmək əmrini alır. Akane Koqaminin edam qərarının ləğv edilməsi şərti ilə bunu qəbul edir. Makişimanın Yaponiyanın iqtisadiyyatını zəiflətmək üçün bioterrorizmə baş vurmaq istəyindən xəbərdar olan Cinayət Tədqiqat Diviziyası həm Makişima, həm də Koqamini axtarır. Makişima Qinozanı öldürməyə çalışır, lakin Masaoka həyatını qurban verərək onu xilas edir. Akanenin bütün cəhdlərinə baxmayaraq Koqami Makişimanı öldürür və keçmiş dostlar bir daha görüşmürlər.

İkinci mövsümdə Akane bərpa olunmuş bir nömrəli birliyin lideridir. Birliyə bu dəfə yeni inspektor Mika Şimotsuki, indi icraçı olan Qinoza, Yayoy və iki yeni icraçı – Sakuya Toqane və Şo Hinakava daxildirlər. Birlik bu dəfə Şoqo kimi Sivilla sistemini məhv etmək istəyən, lakin bunu iğtişaş çıxarmaqla deyil, sistemin qüsurlarından istifadə etməklə həyata keçirmək niyyətində olan yeni cinayətkar Kirito Kamui ilə qarşılaşır. Detektorların hər formasından yayına və dəstəkçilərinə cinayət əmsallarını aşağıda saxlamağa kömək edə bilən Kiritonun mövcudluğuna Akane daxil olmaqla, çox az adam inanır.

İstehsal

[redaktə | mənbəni redaktə et]
Anime serialı Production I. G studiyası tərəfindən istehsal olunmuşdur.

Anime serialının rejissoru Naoyoşi Şiotani, ssenaristi Qen Urobuçi və personaj dizayneri "Reborn!" manqakası Akira Amanodur. Əsas seyyuları Tomokazu Seki (Şinya Koqami), Kana Hanazava (Akane Tsunemori) və Takahiro Sakuraydır (Şoqo Makişima).[3] "Psycho-Pass" animesi Production I.G studiyasının Mamoru Oşiinin "Ghost in the Shell" və "Patlabor" əsərlərinin uğurunun davamını gətirmək ideyasından doğmuşdur; şirkət serialın baş rejissoru olmuş Katsuyuki Motohironu və veteran I. G animasiyaçı Naoyoşi Şiotanini layihəyə rejissor kimi cəlb etmişdir.[4]

Motohiro uzun fasilədən sonra anime istehsalına qayıtmaq istəmişdir, lakin xarizmatik ssenaristə ehtiyac duymuşdur. Motohiro və onun heyəti Qen Urobuçinin xeyli bəyənilmiş "Puella Magi Madoka Magica" anime serialındakı işini çox bəyənmişdir. Motohiro bu anime serialından təsirlənmiş, Urobuçinin digər əsərlərini oxumuş və onla danışmaq qərarına gəlmişdir. 2011-ci ilin əvvəlində Motohiro Urobuçiyə birlikdə işləmək təklifi etmişdir.[5] Anime serialının istehsalının ilk vaxtlarında Motohiro Naoyoşi Şiotanidən filmə adaptasiya oluna bilməyəcək şeylər etməsindən qaçınmasını istəmişdir.[6]

"Psycho-Pass" üzərində işlər başlmamışdan öncə Şiotani "Blood-C: The Last Dark" anime filmi üzərində işləyirdi. Film üzərindəki işi bitər-bitməz Şiotani bütün diqqətini anime serialının keyfiyyətinə yönəltmişdir. 16-cı seriyadan – artıq populyar animeyə çevrilməsindən sonra istehsalçı komanda "gücdən düşmüşdür". Növbəti iki seriya başqa bir komanda tərəfindən istehsal olunmuş, nəticədə animasiyada bir sıra qüsurlar peyda olmuşdur.[6] Seriyanın prodüseri buna cavab olaraq problemlər yaşanacağını gözlədiyini, lakin əlindən gələnini etdiyini bildirmişdir. Şiotani də seriyanın keyfiyyətinə görə üzr istəmişdir.[7] Orijinal komanda 19-cu seriyadan final seriyasına qədər anime üzərində işləməyə davam etmiş, 17 və 18-ci seriyaların ev buraxılışında remeyk edilməsinə qərar vermişdir.[6]

Anime serialı ilk öncə 2012-ci ilin martında Fuji TV kanalının NoitaminA mətbuat konfransında anons edilmişdir.[8] 2013-cü ilin martında Şiotani animeyə kifayət qədər dəstək olarsa, ikinci mövsümün çəkilə biləcəyini bildirmişdir.[9] İkinci mövsümün istehsalı başladıqdan sonra Şiotani demişdir ki, yeni mövsümün seriyalarını hazırlamaq ilk mövsümün seriyalarını hazırlamaqdan daha çətindir: "Bu, verilişin qeyri-çevikliyi ilə bağlıdır, çünki heyət uyğunluğu qorumalıdır".[10] İkinci mövsümdə To Ubukata Qen Urobuçini ssenarist kimi əvəz etmişdir.[11] Ubukata qeyd etmişdir ki, ona sikveldə genişləndirilmiş qurma ideyası verilmişdi. Anime serialının və filminin ssenarisinin verilməsi nəticəsində, Ubukata personajların şəxsiyyətlərini yazmalı idi. İstehsal müddətinin qısa olmasına baxmayaraq, o, ilk serialın heyəti ilə müzakirə aparmağa vaxt tapmışdır. Şiotani serialın sonuncu seriyası üçün komandaya kömək etmişdir.[12]

Dizayn

[redaktə | mənbəni redaktə et]
Akane Tsunemorinin Akira Amano tərəfindən çəkilmiş eskizləri.

"The Pet Girl of Sakurasou" animesinin rejissoru Atsuko İşizukanın "birinci personajlar dizayn edilməlidir" fikrini eşidən Şiotani bu fikrin onun komandasının iş prinsipi ilə uyğun gəlmədiyini dərk etmişdir. Onun komandası birinci dünyanı, daha sonra personajları yaratmalı idi, çünki "personajlar demək olar ki, dünya tərəfindən idarə olunacaqdılar". Nəticədə, personajlar manqaka Akira Amano tərəfindən dizayn olunmuşdur. Akira personajları animenin qaranlıq atmosferi ilə balanslaşdırmaq üçün onları "xoşagələn və uyğun" dizayn etmişdir. İstehsalçı heyət uyğun olmayan parlaq rənglərdən istifadə etməkdən qaçınmışdır.[13] Akane Tsunemori ən uyğun personaj kimi yaradılmışdır: izləyicinin baxış bucağından qurmanı sorğumalı və baş qəhrəmanlardan biri Şinya Koqami ilə onun düşməni və rəqibi Şoqo Makişimanın aralarına girəcək qəhrəman funksiyası daşımalı idi. Akanenin yeni gələn məsum inspektordan yetkin bir şəxsə çevrilməsinə gətirib çıxaran inkişaf mərhələsini göstərmək istehsalçı heyətin əsas məqsədlərindən biri idi.[6]

Qadın izləyicilərin sayının azalda biləcəyi ehtimalına baxmayaraq Motohiro komandaya qrafik elementlərdən istifadə etməyə icazə vermişdi. Motohiro anlayırdı ki, anime serialı gənc izləyicilər üçün çox zorakı görünə bilər və demişdir ki, serialın psixoloji qəddarlığına görə oğlunun da onu izləməsini istəməz.[5] O əlavə etmişdir ki, komanda özü də belə zorakı anime serialı hazırlamaq istəmir, lakin "gözəl serialların içində şiddət səhnələri də olmalıdır".[6] Şiddət səhnələrinin çoxluğu haqqında Şiotani Urobuçiyə "burax, biz həll edərik" demişdir.[6] Şiddət səhnələrinin bəziləri kamera önündə baş vermirdi, lakin əgər insidentə protaqonist qarışırdısa, anı unudulmaz etmək üçün səhnə təsvir olunurdu. İstehsalçı heyət iki dəfə səhnələri remeyk etməli olmuşdu, çünki televiziya kanalı həmin səhnələrin "həddi aşdığını" bildirmişdir.[6]

Motohiro anime serialının dövrün anime trendlərinə "müqavimət göstərməsini" istəmişdir. Görüşlərdən moedən istifadə etməyə qadağa qoymaq qərarı alınmışdır, çünki onlar kişi personajlar arasındakı konflikləri diqqət ayıran "Mobile Suit Gundam" və "Patlabor" kimi animelərdən nümunə götürmək istəmişdirlər. Antimoe siyasətini mənimsəyən komanda baş qadın qəhrəman Akanenin paltarlarını çıxarmaqdan qaçınmaq, əvəzində isə bunu Koqamidə tətbiq etmək qərarına gəlmişdir. Bütün bunlara baxmayaraq, veriliş xeyli qadın izləyicini cəlb edə bilmişdir, çünki kişi personajlar arasındakı konflikt şonen ay fanatlarının marağına səbəb olmuşdur.[13] Şiotaninin anime serialının kişi personajlar arasındakı romantikadan qaçınmasını istəsə də, o, kişi personajlar arasındakı döyüş səhnələrinin qeyri-ixtiyari qadın fanatları çəkdiyinə inanmışdır.[13] Komanda romantik münasibətlərdənsə, dostluq münasibətlərinə diqqət ayırmağa üstünlük vermişdir.[6]

Təsirlər

[redaktə | mənbəni redaktə et]

Anime serialı bir neçə Qərb filmindən təsirlənmişdir. Bunlardan ən önəmlisi 1997-ci il istehsalı "Los-Anceles sirləri" filmidir.[14] Rejissor Naoyaşi Şiotani anime serialının bir neçə filmdən təsirləndiyini bildirmişdir: "Azlıq raportu", "Qattaka", "Braziliya" və "Ülgücün üzəri ilə qaçan". Xüsusilə, "Ülgücün üzəri ilə qaçan" filmi tez-tez "Psycho-Pass" ilə müqayisə olunur.[13] Animenin istehsalından öncə Urobuçi Filip Dikdən ilhamlanmış antiutopik hekayə tərzindən istifadə etmək istəmişdir.[4] Psixoloji mövzular Şiotaninin uşaqlığında "Lupin III" animesini izlədiyi dövrə əsaslanır, çünki o, animeyə "bugünün gənclik travması"nı əlavə etmək barədə düşünürdü.[5] Əsas personajlar arasındakı rəqabət istehsalçı komandanın bəyəndiyi bir neçə dramadan təsirlənmişdir.[13] Personajlara xüsusiyyətlər qatdıqları üçün digər seyyular da animenin istehsalında iştirak etmişdirlər.[5]

Musiqi

[redaktə | mənbəni redaktə et]

İstehsalçı komanda əvvəlcə musiqi ilə bağlı problemlərlə qarşılaşmışdır, lakin daha sonra işə Ling Tosite Sigure musiqi qrupu işə cəlb edilmişdir. Ling Tosite Sigure anime serialının açılış mahnısını ifa etmişdir. Bağlanış mahnısını ifa edən Egoist qrupu isə ilk dəfə "Guilty Crown" animesi ilə NoitaminA veriliş blokunda debüt etmişdi. Şiotani deyir ki, onlar Egoist qrupundan bağlanış mahnısının 3 fərqli versiyasını hazırlamağı xahiş etmişdilər, beləcə onlar seriyanın sonluğundan asılı olaraq onlardan istifadə edə biləcəkdilər.[10] Anime serialı boyunca vaxt limitinə görə səhnələri kəsməmək üçün bir neçə dəfə bağlanış mahnısı istifadə olunmamış və ya instrumental versiyalarından istifadə olunmuşdur. Mahnıların prodüserlərindən bununla bağlı narazıçılıq yarananda isə Tomohiro və Şiotani bunu onlarla müzakirə etmişdirlər.[6]

Anime serialının Yaponiyadakı ev buraxılışının ikinci və beşinci cildlərinə iki Psycho-Pass CD-si daxil edilmişdir.[15][16] Animenin saundtreki 29 may 2013-cü ildə Sony Music Entertainment tərəfindən buraxılmışdır. Saundtrekə Yuqo Kanno tərəfindən bəstələnmiş 55 trek daxildir.[17] İkinci saundtrek isə 18 mart 2015-ci ildə buraxılmışdır.[18] Eyniadlı prikvel romana əsaslanan "Namae no nai kaibutsu" (名前のない怪物?, azərb. Adsız bədheybət‎) adlı iki cildlik dorama CD-si 25 sentyabr-27 noyabr 2013-cü ildə buraxılmışdır.[19][20]

Trek siyahısı (Psycho-Pass)[17]
Trek siyahısı (Psycho-Pass 2)[18]

Mövzular

[redaktə | mənbəni redaktə et]

Bəzi tənqidçilərə görə "Psycho-Pass" stressiz və cinayət qorxusu olmadan yaşamağın qarşılığı kimi sosial və psixoloji mövzulara toxunur. Doğrudan da, Sivilla sistemi digərlərini stressin altına salacaq hərəkətlər etmək potensialına malik şəxsləri hədəf alır, lakin belə bir sual ortaya çıxır ki, hələ cinayəti törətməyən bir şəxsi nəzarət altına almaq sosial və əxlaqi cəhətdən nə qədər düzgündür? Məsələn, birinci seriyada bir qadın qaçırılır və qadının keçirdiyi psixoloji travma özünü onun psixopasportunda əks etdirir. Sivilla sisteminin təlimatlarına görə polislər onu öldürməyə hazırlaşırlar, lakin Akane dayanır, Sivilla sisteminin qərarını qəbul etmir, qadınla danışaraq onun cinayət əmsalının düşməsinə nail olur. Beləliklə, bu, potensial cinayətkarın mütləq bir cinayət törədəcəyi fikri ilə ziddiyyət təşkil edir. Anime News Network saytına görə "Biz hamımız pis şeylər etmək potensialına malikik. İndi biz bir nəfəri incitmədiyimizə baxmayaraq, bu barədə düşündüyümüz üçün cəzalandırılmalıyıq? Bunun əksini biz birinci seriyada və Akanenin cinayətkar kimi təqdim olunmuş qurbana reaksiyasında görürük".[21]

Animedə hadisələrin baş verdiyi futuristik Tokio.

"Psycho-Pass" animesinə görə stressiz yaşamağın qarşılığında şəxs öz ehtiyaclarını ümumi sosial dəyərə qurban verir. Potensial cinayətkarları öldürmək əxlaqi və sosial cəhətdən qəbul olunur. Nəticədə isə cinayətkarın cəmiyyətə verdiyi zərər bizə "saxta" şəkildə mühakimə olunan şəxsə verdiyimiz zərərdən daha ağır gəlir. Başqa sözlə, Sivilla sistemi imkanlar dəyəri və qəbul edilən risk prinsipləri əsasında işləyir, lakin Sivilla sistemi paradoksal şəkildə artıq cinayətdən qorxmayan, lakin Sivilla sisteminin qərarlarından qorxan fərdlərdən ibarət cəmiyyət yaradır. Urobuçinin sözlərinə görə serialın əsas mövzularından biri olan "qorxu"nu Şoqo Makişima personajının hisləri üzərindən görmək olar: Sivilla sistemi onun əslində kim olduğunu müəyyənləşdirə bilmədiyindən o, özünü cəmiyyətdən sıxışdırılıb çıxarılmış hiss edir.[22]

Animedə emosional repressiya mövzusuna da toxunulmuşdur. Potensial cinayətkarların identifikasiyası cəmiyyətin qaçındığı və neqativ hesab etdiyi kədər və qəzəb kimi hislərə əsaslanır. Hər hansı şəxs potensial cinayətkar kimi qeydə alınmamaq üçün çöldə – psixopasportlarının skan olunduğu yerlərdə bu hisləri keçirməməlidir. Kotaku saytına görə "bu skanlara görə Psycho-Pass bizə artıq fiziki yox, zehni gözəlliyin axtarıldığı maraqlı gələcək təqdim edir. Bu gələcəkdə polislərin işi sadəcə potensial cinayətkarları kontrol etməkdən ibarətdir. Çünki onlar həqiqətən detektiv işi aparsalar, onları tutmağa çalışarkən onlar kimi düşünəcəklər və özləri potensial cinayətkara çevriləcəklər".[2] Əsas personajların çoxu serial boyunca nostalji hislər keçirir. Qədim ədəbiyyat, fəlsəfə, musiqi və teatra bir çox istinadlar "nostaljik bir dünya" yaradır.[21]

Buraxılış

[redaktə | mənbəni redaktə et]
Həmçinin bax: Psycho-Pass seriyalarının siyahısı və Psycho-Pass 2 seriyalarının siyahısı

Production I.G studiyası tərəfindən istehsal olunmuş anime serialı 12 oktyabr 2012-ci ildən 22 mart 2013-cü ilə kimi Fuji TV kanalının NoitaminA veriliş blokunda yayımlanmışdır.[23][24] Toho 21 dekabr 2012-ci ildə animenin DVD və Blu-ray cildlərini buraxmağa başlamış, sonuncu cildi 26 iyul 2013-cü ildə buraxmışdır.[25][26] Funimation animeni Şimali Amerika regionu üçün lisenziyalaşdırmışdır: animeni rəsmi saytında əvvəlcə yaponca, bir həftə sonra isə ingiliscə yayımlamışdır. "Psycho-Pass" Funimation şirkətinin "yayım dublajı"nın ilkin 3 verilişindən biri idi.[27] Şimali Amerikada 2014-cü ilin martında buraxılmağa başlamışdır.[28][29] Anime Böyük Britaniyada Manga Entertainment, Avstraliyada Madman Entertainment tərəfindən lisenziyalaşdırılmışdır.[30][31]

6 iyul 2013-cü ildə Production I.G prezidenti Mitsuhisa İşikava Anime Expo tədbirində ikinci mövsümün istehsal olunduğunu bildirmişdir.[32] İkinci mövsüm – "Psycho-Pass 2" 2014-cü ilin oktyabrında yayımlanmağa başlamışdır. 9 yanvar 2015-ci ildə anime filmi adaptasiyası buraxılmışdır. İkinci mövsümün yayımı başlamamışdan öncə 2014-cü ilin iyulunda birinci mövsüm hərəsi 1 saat davam edən 11 seriya şəklində yenidən yayımlanmağa başlamışdır.[33] Dördüncü seriya real həyatdakı qətillərlə oxşarlıq təşkil etdiyindən ləğv olunmuşdur.[34] Rejissor Naoyoşi Şiotani Twitter hesabında bununla bağlı üzr istəmişdir. Buna baxmayaraq, Funimation seriyanı yayımlamışdır.[35] 15 oktyabr 2014-cü ildə Blu-ray boks-setinin buraxılacağı anons edilmişdir. Boks-setə həm orijinal birinci mövsüm seriyaları, həm də yenidən yayımlanmış bir saatlıq birinci mövsüm seriyaları daxil edilmişdir.[36]

İkinci mövsüm 10 oktyabr 2014-cü ildən 19 dekabr 2014-cü ilə kimi Fuji TV kanalının NoitaminA veriliş blokunda yayımlanmışdır.[37] İkinci mövsümüm 5 DVD və Blu-ray cildi 17 dekabr 2014-cü ildən 15 aprel 2015-ci ilə kimi buraxılmışdır.[38]

8 mart 2019-cu ildə 3-cü mövsümü anons edilmişdir. Üçüncü mövsüm Fuji TV-nin NoitaminA veriliş blokunda yayımlanmağa başlayacaq. Naoyoşi Şiotani rejissor, Akira Amano is returning personaj dizayneri, Production I. G istehsalçı studiya olacaq.[39]

Çin qadağası

[redaktə | mənbəni redaktə et]

12 iyun 2015-ci ildə Çin Mədəniyyət Nazirliyi animeni Çində qadağan olunmuş 38 anime və manqa siyahısına salmışdır.[40]

Media

[redaktə | mənbəni redaktə et]

Anime filmi

[redaktə | mənbəni redaktə et]
border=none Əsas məqalələr: Psycho-Pass (anime filmi) və Psycho-Pass: Sinners of the System

2013-cü ilin sentyabrında NoitaminA rəsmi saytında ikinci mövsümün və anime filmi adaptasiyasının istehsal olunacağını açıqlanmışdır.[41] Şiddət dolu və qanlı səhnələrə görə film 15+ yaş limiti ilə anons edilmişdir.[42][43] 5 sentyabr 2013-cü ildə Nico Nico Douga-da 30 saniyəlik ilk treyler buraxılmış, treylerdə Koqami, Akane və Qinzo görünmüşdürlər.[44] 2 dəqiqəlik treylər (orijinal anime serialından səhnələr daxil olmaqla) isə 2013-cü ilin sentyabrında buraxılmışdır.[45] 2014-cü ilin sentyabrında buraxılış tarixi olaraq 9 yanvar 2015-ci il açıqlanmış, Urobuçi və Makoto Fukaminin ssenaristlər olacağı bildirilmişdir.[46] 2016-cı ilin fevralında Funimation anime filmini ingilis dilinə dublaj etmiş və ABŞ ilə Kanadada 100-dən çox kinoteatrda göstəriləcəyini açıqlamışdır.[47][48] Anime filminin əsas mahnısı Ling Tosite Sigure tərəfindən ifa olunmuşdur.[49]

2018-ci ilin martında Fuji TV vasitəsilə "Psycho-Pass: Sinners of the System" adlı yeni film trilogiyası anons edilmişdir. İlk film "Case.1 Tsumi to Bachi" (Case.1 罪と罰?) 25 yanvar 2019-cu ildə buraxılmışdır. İkinci film "Case.2 First Guardian"15 fevral 2019-cu ildə buraxılacaq. Üçüncü film "Case.3 Onshū no Kanata ni ____" 8 mart 2019-cu ildə buraxılacaq.[50] Naoyoşi Şiotani və Yuqo Kanno yenə uyğun olaraq rejissor və bəstəkardır.[51] RRyo Yoşiqami birinci film üçün, anime serialından Fukami isə ikinci və üçüncü filmlər üçün ssenari yazmışdır. Production I. G yenə istehsalçı qismində qayıtmışdır.[52]

Manqa

[redaktə | mənbəni redaktə et]

Hikaru Miyoşinin rəssamlığı ilə hazırlanmış "Inspector Akane Tsunemori" (監視官 常守朱, Kanshikan Tsunemori Akane?) adlı manqa adaptasiyası 2 noyabr 2012-ci ildən 4 oktyabr 2014-cü ilə kimi Shueisha nəşriyyatının "Jump Square" jurnalında nəşr olunmuşdur.[53] Manqanın ilk tankobon cildi 4 fevral 2013-cü ildə buraxılmışdır.[54] 2013-cü ilin noyabrında Yaponiyada manqanın üç cildinin 380.000 nüsxəsinin buraxıldığı bildirilmişdir.[55] 2014-cü ilin dekabrında bu say 1 milyonu keçmişdir.[56] Ümumilikdə 6 cildi buraxılmışdır.[57] "Inspector Shinya Kogami" (監視官 狡噛 慎也, Kanshikan Kōgami Shinya?) adlı digər manqa adaptasiyası 30 iyun 2014-cü ildən Mag Garden nəşriyyatının "Monthly Comic Blade" jurnalında nəşr olunur. Manqanın rəssamı Natsuo Say, yazıçısı Midoro Qoto and Production I.G studiyasıdır.[33] Altı cildi buraxılmışdır.[58] Manqa Dark Horse Comics tərəfindən 9 noyabr 2016-cı ildən Şimali Amerikada nəşr olunur.[59]

Inspector Akane Tsunemori

[redaktə | mənbəni redaktə et]
№Nəşr tarixi ISBN
1 4 fevral 2013[54]ISBN 978-4-08-870623-8
2 4 iyun 2013[60]ISBN 978-4-08-870765-5
3 1 noyabr 2013[61]ISBN 978-4-08-870826-3
4 4 aprel 2014[62]ISBN 978-4-08-880118-6
5 4 avqust 2014[63]ISBN 978-4-08-880162-9
5 5 yanvar 2015[57]ISBN 978-4-08-880284-8

Inspector Shinya Kogami

[redaktə | mənbəni redaktə et]
№Nəşr tarixi ISBN
1 10 oktyabr 2014[64]ISBN 978-4-80-000367-6
2 10 aprel 2015[65]ISBN 978-4-80-000436-9
3 dekabr 2015[66]ISBN 978-4-80-000522-9
4 10 avqust 2016[67]ISBN 978-4-80-000601-1
5 10 iyul 2017[68]ISBN 978-4-80-000700-1
6 8 yanvar 2018[58]ISBN 978-4-80-000740-7

Ranobe

[redaktə | mənbəni redaktə et]

Makoto Fukami tərəfindən anime serialının ranobe adaptasiyası yazılmışdır. Ranobe Mag Garden nəşriyyatı tərəfindən iki cild şəklində 4 fevral və 4 aprel 2013-cü ildə buraxılmışdır.[69][70] Şiotaninin sözlərinə görə ranobe seriyası anime serialına nisbətən zorakılığa daha meyillidir.[13] Anime serialı üzərində işləyən Aya Takaba tərəfindən "Namae no Nai Kaibutsu" (名前のない怪物?, azərb. Adsız bədheybət‎) adlı prikvel romanı yazılmışdır. Ranobe buraxılmasından öncə əvvəlcə NoitaminA veriliş blokunun rəsmi saytında yayımlanmışdır. 4 fevral 2013-cü ildə isə buraxılmışdır.[71]

Franşizin dörd personajından bəhs edən və Ryo Yoşiqami tərəfindən yazılan yeni ranobe seriyası 25 iyun 2014-cü ildə Hayakawa Publishing nəşriyyatının "S-F Magazine" jurnalında nəşr olunmağa başlamışdır. Nəşri bitdikdən sonra Hayakawa Bunko JA tərəfindən 2014-cü ilin oktyabrında buraxılmışdır. Digər hekayələr Çoe Qu-sun, Şusey Kaqari, Yayoy Kunizuka və Şion Karanomoridən bəhs edir.[33] Hayakawa Bunko JA həmçinin 2014-cü ilin dekabrında Sivilla sisteminin tarixindən və Tonomi Masaokanın məsələsindən bəhs edən "Psycho Pass Genesis" adlı kitab nəşr etmişdir.[33]

Videooyun

[redaktə | mənbəni redaktə et]

Orijinal anime personajlarının çibi versiyalarının yer aldığı "Chimi Chara Psycho-Pass" adlı interaktiv vizual roman istehsal olunmuş və animenin DVD/BD cildlərinə daxil edilmişdir.[72][73] 2014-cü ilin mayında 5pb. tərəfindən Xbox One platforması üçün "Psycho-Pass: Mandatory Happiness" adlı videooyunun istehsal olunacağı anons olunmuşdur. 2015-ci ilin dekabrında PlayStation Vita və PlayStation 4 versiyaları bildirilmişdir.[74] Oyunun orijinal hekayəsi Urobuçi tərəfindən yazılmışdır: hekayə animedəki ilk 6 seriyalıq zaman dilimində baş verir və kimsəsiz adada yeni düşmənlə qarşılaşan yeni personajlardan bəhs edir.[75] NIS America oyunun PS4, PS Vita və PC versiyalarını Steam vasitəsilə 2016-cı ilin payızında Şimali Amerika üçün yerliləşdirmişdir. Xbox One versiyası lisenziyalaşdırılmamışdır.[76]

Qəbul

[redaktə | mənbəni redaktə et]

Fuji TV prodüseri Akitoşi Mori anime serialının onun nəzarəti altında olduğu ilk iş olduğunu demişdir. Noitamina Shop & Café-də animenin ilk ekranlaşdırılmalarının az izləyici cəlb etməsi Morini narahat etmişdi. Buna baxmayaraq, anime davam etdikcə izləyicilərin sayı da artmışdır. Məkanın cəmi 70 nəfəri qarşılamaq imkanına baxmayaraq final seriyasını izləmək üçün 1000 nəfərdən çox adam növbəyə girmişdir. Bu, Morini sevindirmişdir, çünki fanatların animeni necə izlədiklərini və dəstəklədiklərini görmüşdür; gələcək ekranlaşdırılmalarda daha böyük auditoriyalar görmək istəmişdir.[33] Animenin DVD və Blu-ray cildləri yaxşı satılmışdır.[77][78] 2014-cü ilin aprelində anime Seyun mükafatına namizəd göstərilmişdir.[79] 2013-cü ildə Newtype anime mükafatına namizəd göstərilmiş, ilin ən yaxşı 4-cü animesi seçilmişdir.[80] NoitaminA veriliş blokunun 10 illiyi münasibətilə keçirilmiş fanat səsverməsində 11-ci seriya "Ən yaxşı seriya" seçilmişdir. Şinya Koqami, Akane Tsunemori və Şoqo Makişima da belə səsvermələrdə peyda olmuş və müvafiq kateqoriyalarda qalib gəlmişdirlər.[81] Anime News Network animeni Yaponiya animasiyasını izləməmiş şəxslər üçün ən uyğun animelər siyahısında beşinci yerdə göstərmişdir.[82]

Animenin birinci mövsümü tənqidçilərin böyük rəğbətini qazanmışdır.[83] Anime News Network tənqidçisi Rebekka Silverman animeni antiutopik dünyasının təsvirindəki "böyük maraq səviyyəsi"nə görə tərifləmişdir, lakin o, şiddət səhnələrinin qorxunc olduğunu, izləyiciləri qorxuda biləcəyini söyləmişdir.[21][84] Kotaku tənqidçisi Riçard Aysenbeys animeni "cəlbedici kiberpank müəmması" adlandırmış, təsvir olunmuş cəmiyyəti və Şoqo Makişimanın törətdiyi seriya qətlləri bəyənmişdir, lakin o, müasir texnologiyanın istifadəsini tənqid etmiş və mövzuları daha yaxşı ələ almasına baxmayaraq onu başqa elmi fantastika filmləri ilə müqayisə etmişdir. Tənqidçi həmçinin Makişimanın Sivilla sisteminə qarşı immunitetinin səbəbinin açıqlanmamış qaldığını bildirmişdir.[2] DVD Talk hekayə boyunca əldə etdiyi uğurlara və şəxsiyyətinə görə Makişima personajını tərifləmişdir.[85] Bəzi seriyalar "filler" hesab olunmuşdur, çünki onlar dönüş nöqtəsi yaradacaq seriyalar üçün baza rolunu oynayırdılar.[21][86] Anime News Network tənqidçisi Bambu Don animeni tərifləyərək 12-ci seriyadan sonra animenin "izləməyə dəyər əsl bomba"ya çevrildiyini və Akane Tsunemori personajının inkişafına sevindiyini bildirmişdir, lakin o, Sivilla sisteminin əsl şəxsiyyəti ilə bağlı tvisti sərt tənqid etmiş, onu "anime tarixinin ən axmaq həqiqətlərindən biri" adlandırmışdır.[87]

The Fandom Post tənqidçisi Tomas Zot protaqonistlər və onların inkişafı arasındakı münasibəti tərifləmişdir. Akanenin serial boyunca inkişafı bir çox tənqidçilər tərəfindən bəyənilmişdir.[88][89] Zot Koqami ilə Makişima arasındakı həyəcanverici döyüş səhnələrindən və status-kvonu bərpa edən səhnələrdən böyük həzz aldığı bildirmişdir. O, 16-cı seriyanı "Urobuçinin şah əsəri" adlandırmışdır.[90][91] Silverman Akane və Koqaminin inkişafları arasındakı paralelliyə deyinmiş, nəticədə isə, izləyicilərin qərar verməli olduğu anlaşılmaz son ortaya çıxdığını demişdir.[84] Yan personajlar da DVD Talk tərəfindən təriflənilmişdir, lakin tənqidçi bəzilərinin yaxşı tanıdılmadığını bildirmiş, Şionun ən az öyrənilmiş personaj olduğunu qeyd etmişdir.[92]

Serial yayımlanarkən Silverman aşağı işıqlandırma səviyyəsinin animeni başa düşməyə çətinlik törətdiyi üçün animasiyanı tənqid etmişdir.[21][84] Japanator tənqidçisi Hiroko Yamamura anime serialın böyük büdcəsini qeyd edərək animasiya stilini və texnologiya ilə detallara verdiyi diqqəti tərifləmişdir. Animenin girişi artıq onun diqqətini çəkmiş, serial boyunca bu keyfiyyətini saxlayacağını gözləmişdir.[93] Eynilə, Anime News Network tənqidçisi Yakob Hop Çepman animasiyanı yüksək keyfiyyətinə görə tərifləmişdir.[4] Animasiyası qüsurlu olan 18-ci seriya ev buraxılışında remeyk edilmişdir.[87]

"Psycho-Pass 2" qarışıq rəylər almışdır. UK Anime Network tənqidçisi Den Rods ikinci mövsümün əyləncəli tvistlərə malik olmadığını və Urobuçin yerinin göründüyünü bildirmişdir.[94] Kotaku tənqidçisi Riçard Aysenbeys birinci mövsümdə başa salınmayan Sivilla sisteminin mənşəyinin verilməsini bəyənmişdir. Akane ilə yeni inspektor Mika Şimotsuki arasındakı fərqləri də bəyənən Aysenbeys yeni antaqonisti və ikinci mövsümün birinci mövsümdən daha qanlı olmasını tənqid etmişdir.[95] Anime News Network tənqidçisi Nik Krimer daha mənfi tənqid bildirmişdir. O, To Ubukatanın əvvəlki əyləncəli işlərinə baxmayaraq gözəl anime ortaya çıxarmadığını qeyd etmişdir: "Ümumilikdə, Psycho-Pass 2 tamamladığım animelər içində məni ən çox üzən animelərdən biri olmuşdur".[96]

Birinci "Psycho-Pass" filmi müsbət rəylər almış və 5-ci Newtype Anime Mükafatı və Seyun mükafatı qazanmışdır.[97][98]

İstinadlar

[redaktə | mənbəni redaktə et]
  1. ↑ "Psycho-Pass". Madman Entertainment. 2017-07-31 tarixində arxivləşdirilib. İstifadə tarixi: 13 yanvar 2018.
  2. ↑ 1 2 3 Eisenbeis, Richard. "Psycho Pass is a Compelling Cyberpunk Mystery (And It's Only Half Done)". Kotaku. Kotaku. January 8, 2013. January 28, 2013 tarixində arxivləşdirilib. İstifadə tarixi: 24 yanvar 2018.
  3. ↑ "Psycho-pass Anime Series Coming to Noitamina in October". Anime News Network. March 30, 2012. 2012-03-31 tarixində arxivləşdirilib. İstifadə tarixi: 16 yanvar 2018.
  4. ↑ 1 2 3 "Psycho-Pass Season One Blu-Ray - Complete Collection Premium Edition". Anime News Network. April 29, 2014. April 29, 2014 tarixində arxivləşdirilib. İstifadə tarixi: 16 yanvar 2018.
  5. ↑ 1 2 3 4 "Psycho-Pass Chief Director: Word 'Moe' Is Banned Among Staff". Anime News Network. October 11, 2012. 2013-03-08 tarixində arxivləşdirilib. İstifadə tarixi: 16 yanvar 2018.
  6. ↑ 1 2 3 4 5 6 7 8 9 "Media Q&A with Executive Director Katsuyuki Motohiro, Director Naoyoshi Shiotani and Producer Joji Wada (of "PSYCHO-PASS") by Dennis A. Amith and Michelle Tymon (J!-ENT Interviews and Articles)". J!-Entoline. May 7, 2013. June 27, 2013 tarixində arxivləşdirilib. İstifadə tarixi: 16 yanvar 2018.
  7. ↑ Green, Scott. "Urobuchi Supports "PSYCHO-PASS" Director On Twitter SPOILER ALERT". Crunchyroll. October 5, 2012. February 25, 2013 tarixində arxivləşdirilib. İstifadə tarixi: 16 yanvar 2018.
  8. ↑ "Psycho-pass Anime Series Coming to Noitamina in October". Anime News Network. March 30, 2012. 2012-03-31 tarixində arxivləşdirilib. İstifadə tarixi: 16 yanvar 2018.
  9. ↑ "Funimation Confirms Psycho Pass home video release". Anime News Network. March 30, 2013. 2014-01-01 tarixində arxivləşdirilib. İstifadə tarixi: 16 yanvar 2018.
  10. ↑ 1 2 "Noitamina Interviews Psycho-Pass Director". Otaku USA. May 8, 2014. May 9, 2014 tarixində orijinalından arxivləşdirilib. İstifadə tarixi: 21 yanvar 2018.
  11. ↑ "Psycho-Pass 2's Scripts Overseen by Fafner's Tow Ubukata". Anime News Network. 2014-06-24 tarixində arxivləşdirilib. İstifadə tarixi: 16 yanvar 2018.
  12. ↑ Chapman, Hope; Nelkin Sarah. "Interview: Tow Ubukata". Anime News Network. May 20, 2015. 2015-05-21 tarixində arxivləşdirilib. İstifadə tarixi: 16 yanvar 2018.
  13. ↑ 1 2 3 4 5 6 "Directors's Panel with Katsuyuki Motohiro, Naoyoshi Shiotani, and Atsuko Ishizuka". Anime News Network. March 30, 2013. December 31, 2013 tarixində arxivləşdirilib. İstifadə tarixi: 19 yanvar 2018.
  14. ↑ "Interview: George Wada, Producer of Attack on Titan". Anime News Network. July 23, 2013. 2013-07-25 tarixində arxivləşdirilib. İstifadə tarixi: 19 yanvar 2018.
  15. ↑ "Blu-ray & DVD Series Volume 2". Psycho Pass (Japanese). 2013-01-15 tarixində arxivləşdirilib. İstifadə tarixi: 21 yanvar 2018.
  16. ↑ "Blu-ray & DVD Series Volume 5". Psycho Pass (Japanese). 2013-01-15 tarixində arxivləşdirilib. İstifadə tarixi: 21 yanvar 2018.
  17. ↑ 1 2 ""PSYCHO-PASS" Complete Original Soundtrack". CDJapan. 2013-12-30 tarixində arxivləşdirilib. İstifadə tarixi: 21 yanvar 2018.
  18. ↑ 1 2 "PSYCHO-PASS Complete Original Soundtrack 2 3CD+Blu-ray/Limited Edition". CDJapan. 2015-04-02 tarixində arxivləşdirilib. İstifadə tarixi: 21 yanvar 2018.
  19. ↑ "Drama CD "PSYCHO-PASS (Anime)" Zero Namae no Nai Kaibutsu First Part". CDJapan. 2013-12-30 tarixində arxivləşdirilib. İstifadə tarixi: 21 yanvar 2018.
  20. ↑ "Drama CD "PSYCHO-PASS (Anime)" Zero Namae no Nai Kaibutsu Last Part Regular Edition". CDJapan. 2013-12-30 tarixində arxivləşdirilib. İstifadə tarixi: 21 yanvar 2018.
  21. ↑ 1 2 3 4 5 "Review: Psycho-Pass Episodes 1 - 11 Streaming". Anime News Network. 2013-03-28 tarixində arxivləşdirilib. İstifadə tarixi: 23 yanvar 2018.
  22. ↑ "Interview: Gen Urobuchi". Anime News Network. September 17, 2014. 2014-09-17 tarixində arxivləşdirilib. İstifadə tarixi: 23 yanvar 2018.
  23. ↑ "第1話「犯罪係数」" (Japanese). Production I.G. 2014-03-23 tarixində arxivləşdirilib. İstifadə tarixi: 24 yanvar 2018.
  24. ↑ "第22話「完璧な世界」" (Japanese). Production I.G. 2014-03-23 tarixində arxivləşdirilib. İstifadə tarixi: 24 yanvar 2018.
  25. ↑ "Blu-ray & DVD". TVアニメ「PSYCHO-PASS サイコパス」 (Japanese). Psycho-Pass. 2013-01-15 tarixində arxivləşdirilib. İstifadə tarixi: 24 yanvar 2018.
  26. ↑ "Blu-ray & DVD". TVアニメ「PSYCHO-PASS サイコパス」 (Japanese). Psycho-Pass. 2013-01-15 tarixində arxivləşdirilib. İstifadə tarixi: 24 yanvar 2018.
  27. ↑ "Introducing FUNimation Broadcast Dubs". 2015-02-07 tarixində arxivləşdirilib. İstifadə tarixi: 24 yanvar 2018.
  28. ↑ "Funimation Streams Code:Breaker, Kamisama Kiss, Jormungand, Psycho-Pass, Robotics;Notes, Oniai". Anime News Network. October 9, 2012. 2021-03-08 tarixində arxivləşdirilib. İstifadə tarixi: 2018-01-24.
  29. ↑ "PSYCHO-PASS Season One - Premium Edition". Funimation Entertainment. 2014-03-21 tarixində arxivləşdirilib. İstifadə tarixi: 24 yanvar 2018.
  30. ↑ "Madman Acquires Attack On Titan" (Press-reliz). Anime News Network. July 30, 2012. 2015-12-01 tarixində arxivləşdirilib. İstifadə tarixi: 2018-01-24.
  31. ↑ "Manga UK Licenses Live-Action Hentai Kamen Film". Anime News Network. October 29, 2013. 2013-12-31 tarixində arxivləşdirilib. İstifadə tarixi: 24 yanvar 2018.
  32. ↑ "I.G Head: 2nd Psycho-Pass Anime Season Is Underway". Anime News Network. July 6, 2013. 2013-07-08 tarixində arxivləşdirilib. İstifadə tarixi: 24 yanvar 2018.
  33. ↑ 1 2 3 4 5 "Psycho-Pass 2 to Debut in October, Followed by Winter Film". Anime News Network. March 21, 2014. 2014-03-22 tarixində arxivləşdirilib. İstifadə tarixi: 24 yanvar 2018.
  34. ↑ "Anime Episode Resembles Real-Life Murder, Won't Be Broadcasted". Kotaku. July 31, 2014. July 31, 2014 tarixində arxivləşdirilib. İstifadə tarixi: 24 yanvar 2018.
  35. ↑ "Funimation Streams Cancelled Psycho-Pass Episode". Anime News Network. 2014-08-02 tarixində arxivləşdirilib. İstifadə tarixi: 24 yanvar 2018.
  36. ↑ "noitaminA Highlights 'Psycho-Pass' Blu-ray Box Set, First Anime Feature". The Fandom Post. 2015-09-24 tarixində arxivləşdirilib. İstifadə tarixi: 24 yanvar 2018.
  37. ↑ "PSYCHO-PASS 2". Media Arts Database (Japanese). Agency for Cultural Affairs. 2017-10-01 tarixində arxivləşdirilib. İstifadə tarixi: 24 yanvar 2018.
  38. ↑ "「PSYCHO-PASS 2」BD&DVD第1巻12月17日発売！". AnimeWebnt. 2014-10-22 tarixində orijinalından arxivləşdirilib. İstifadə tarixi: 24 yanvar 2018.
  39. ↑ Hodgkins, Crystalyn. "Psycho-Pass Anime Gets 3rd Season". Anime News Network. March 8, 2019. October 23, 2019 tarixində arxivləşdirilib. İstifadə tarixi: March 8, 2019.
  40. ↑ "China bans 38 anime & manga titles incuding Attack on Titan". Special Broadcasting Service. 2015-06-12. 2018-08-31 tarixində arxivləşdirilib. İstifadə tarixi: 2018-08-31.
  41. ↑ "Psycho-Pass Anime Gets New Film Along With 2nd Season". Anime News Network. September 6, 2013. 2013-09-08 tarixində arxivləşdirilib. İstifadə tarixi: 14 yanvar 2018.
  42. ↑ "Psycho-Pass Film Given R15+ Age Rating". Anime News Networkaccessdate=14 yanvar 2018. 2017-07-14 tarixində arxivləşdirilib. İstifadə tarixi: 2018-01-13.
  43. ↑ "Eirin Gives "R15+" Rating on "PSYCHO-PASS" Film". Crunchyroll. 2017-09-29 tarixində arxivləşdirilib. İstifadə tarixi: 14 yanvar 2018.
  44. ↑ "PSYCHO-PASS サイコパス』プロジェクト重大発表会に潜入捜査！". Nico Nico Douga. 2016-03-15 tarixində arxivləşdirilib. İstifadə tarixi: 14 yanvar 2018.
  45. ↑ "Psycho-Pass 2nd Season, Film's Announcement Trailer Streamed". Anime News Network. 2017-07-20 tarixində arxivləşdirilib. İstifadə tarixi: 14 yanvar 2018.
  46. ↑ "Psycho-Pass Film Slated for January 9 With Gen Urobuchi, Makoto Fukami". Anime News Network. 2017-07-23 tarixində arxivləşdirilib. İstifadə tarixi: 14 yanvar 2018.
  47. ↑ "VIDEO: FUNimation Previews "Psycho-Pass - The Movie" Dub And Plans". Crunchyroll. 2017-07-15 tarixində arxivləşdirilib. İstifadə tarixi: 14 yanvar 2018.
  48. ↑ "Funimation Announces Psycho-Pass Film's Theatrical Dates". Anime News Network. 2017-01-28 tarixində arxivləşdirilib. İstifadə tarixi: 14 yanvar 2018.
  49. ↑ "Ling Tosite Sigure Performs Psycho-Pass Film's Theme Song". Anime News Network. 2017-01-17 tarixində arxivləşdirilib. İstifadə tarixi: 14 yanvar 2018.
  50. ↑ "Psycho-Pass SS Anime Film Trilogy Unveils Opening Dates, Visuals". Anime News Network. October 27, 2018. 2018-10-27 tarixində arxivləşdirilib. İstifadə tarixi: October 27, 2018.
  51. ↑ "ANIME NEWS: 'Psycho-Pass' film trilogy to hit the big screen from early 2019". Asahi Shimbun. May 12, 2018 tarixində arxivləşdirilib. İstifadə tarixi: June 27, 2018.
  52. ↑ "1st 2 Psycho-Pass SS Anime Films Reveal Returning Staff, Cast". Anime News Network. October 26, 2018. 2018-10-26 tarixində arxivləşdirilib. İstifadə tarixi: October 26, 2018.
  53. ↑ "I.G & Urobuchi's Psycho-Pass Sci-Fi Anime Inspires Manga". Anime News Network. October 2, 2012. 2012-10-04 tarixində arxivləşdirilib. İstifadə tarixi: 17 yanvar 2018.
  54. ↑ 1 2 "監視官　常守朱 1" (Japanese). Shueisha. 2013-02-24 tarixində arxivləşdirilib. İstifadə tarixi: 17 yanvar 2018.
  55. ↑ "Psycho-Pass Manga About Akane Has 380,000 Copies in Print". Anime News Network. November 3, 2013. 2013-12-30 tarixində arxivləşdirilib. İstifadə tarixi: 17 yanvar 2018.
  56. ↑ "Psycho-Pass Manga About Akane Ends". Anime News Network. December 4, 2014. 2017-12-26 tarixində arxivləşdirilib. İstifadə tarixi: 17 yanvar 2018.
  57. ↑ 1 2 "監視官　常守朱 6" (Japanese). Shueisha. 2021-10-21 tarixində arxivləşdirilib. İstifadə tarixi: 17 yanvar 2018.
  58. ↑ 1 2 "PSYCHO-PASS監視官狡噛慎也（6）" (Japanese). Mag Garden. 2020-08-11 tarixində arxivləşdirilib. İstifadə tarixi: 17 yanvar 2018.
  59. ↑ "Dark Horse Comics to Release Psycho-Pass Prequel Manga About Kogami". Anime News Network (English). 19 March 2016 tarixində arxivləşdirilib. İstifadə tarixi: 19 March 2016.
  60. ↑ "監視官　常守朱 2" (Japanese). Shueisha. 2021-10-21 tarixində arxivləşdirilib. İstifadə tarixi: 17 yanvar 2018.
  61. ↑ "監視官　常守朱 3" (Japanese). Shueisha. 2021-12-06 tarixində arxivləşdirilib. İstifadə tarixi: 17 yanvar 2018.
  62. ↑ "監視官　常守朱 4" (Japanese). Shueisha. 2021-10-21 tarixində arxivləşdirilib. İstifadə tarixi: 17 yanvar 2018.
  63. ↑ "監視官　常守朱 5" (Japanese). Shueisha. 2021-10-21 tarixində arxivləşdirilib. İstifadə tarixi: 17 yanvar 2018.
  64. ↑ "PSYCHO-PASS監視官狡噛慎也（1）" (Japanese). Mag Garden. 2020-08-11 tarixində arxivləşdirilib. İstifadə tarixi: 17 yanvar 2018.
  65. ↑ "PSYCHO-PASS監視官狡噛慎也（2）" (Japanese). Mag Garden. 2020-08-11 tarixində arxivləşdirilib. İstifadə tarixi: 17 yanvar 2018.
  66. ↑ "PSYCHO-PASS監視官狡噛慎也（3）" (Japanese). Mag Garden. 2020-08-08 tarixində arxivləşdirilib. İstifadə tarixi: 17 yanvar 2018.
  67. ↑ "PSYCHO-PASS監視官狡噛慎也（4）" (Japanese). Mag Garden. 2020-08-11 tarixində arxivləşdirilib. İstifadə tarixi: 17 yanvar 2018.
  68. ↑ "PSYCHO-PASS監視官狡噛慎也（5）" (Japanese). Mag Garden. 2020-08-03 tarixində arxivləşdirilib. İstifadə tarixi: 17 yanvar 2018.
  69. ↑ "PSYCHO-PASS サイコパス (上) 通常版" (Japanese). Psycho Pass. 2014-01-01 tarixində orijinalından arxivləşdirilib. İstifadə tarixi: 23 yanvar 2018.
  70. ↑ "PSYCHO-PASS サイコパス (下) 通常版" (Japanese). Psycho Pass. 2014-01-01 tarixində orijinalından arxivləşdirilib. İstifadə tarixi: 23 yanvar 2018.
  71. ↑ "「標本事件」とは何だったのか？　『サイコパス』スピンオフ小説が、ノイタミナノベル先行掲載決定" (Japanese). Anime Anime. January 13, 2013. December 30, 2013 tarixində arxivləşdirilib. İstifadə tarixi: 23 yanvar 2018.
  72. ↑ "Nitro+: Not Involved in Blu-ray Visual Novels, But Our Staffers Are - News". Anime News Network. July 2, 2013. 2013-06-07 tarixində arxivləşdirilib. İstifadə tarixi: 24 yanvar 2018.
  73. ↑ "Psycho-Pass Blu-rays to Include Mini-Adventure Games - Interest". Anime News Network. July 2, 2013. 2013-12-18 tarixində arxivləşdirilib. İstifadə tarixi: 24 yanvar 2018.
  74. ↑ Sal Romano. Psycho-Pass: Mandatory Happiness coming to PS4, PS Vita Arxivləşdirilib 2015-12-16 at the Wayback Machine, gematsu.com, December 16, 2015.
  75. ↑ "Psycho-Pass Anime Gets Xbox One Game by 5pb". Anime News Network. May 27, 2014. 2014-05-27 tarixində arxivləşdirilib. İstifadə tarixi: 24 yanvar 2018.
  76. ↑ "Psycho-Pass: Mandatory Happiness coming west for PS4, PS Vita, and PC this fall". Gematsu. February 22, 2016. August 9, 2017 tarixində arxivləşdirilib. İstifadə tarixi: 24 yanvar 2018.
  77. ↑ "Japan's Animation DVD Ranking, June 17–23". Anime News Network. June 25, 2013. 2014-08-15 tarixində arxivləşdirilib. İstifadə tarixi: 24 yanvar 2018.
  78. ↑ "Japan's Animation Blu-ray Disc Ranking, June 17–23". Anime News Network. June 25, 2013. 2014-04-06 tarixində arxivləşdirilib. İstifadə tarixi: 24 yanvar 2018.
  79. ↑ ""Gargantia," "Psycho-Pass" and "Girls und Panzer" Nominated for Seiun Sci-Fi Award". Crunchyroll. April 28, 2014. April 29, 2014 tarixində arxivləşdirilib. İstifadə tarixi: 24 yanvar 2018.
  80. ↑ "Attack on Titan Wins Top Prizes in Newtype Anime Awards". Anime News Network. 2015-11-21 tarixində arxivləşdirilib. İstifadə tarixi: 24 yanvar 2018.
  81. ↑ "Winners of Noitamina 10th Anniversary Fan Vote Announced". Anime News Network. March 31, 2013. 2014-04-03 tarixində arxivləşdirilib. İstifadə tarixi: 24 yanvar 2018.
  82. ↑ Lamb, Lynzee. "7 "Gateway" Anime Sure to Get Newbies Hooked". Anime News Network. August 23, 2014. 2014-08-25 tarixində arxivləşdirilib. İstifadə tarixi: 24 yanvar 2018.
  83. ↑ Eisenbeis, Richard. "Love Psycho-Pass the Anime? You'll Love Psycho-Pass the Game". Kotaku. May 24, 2016. July 8, 2017 tarixində arxivləşdirilib. İstifadə tarixi: 24 yanvar 2018.
  84. ↑ 1 2 3 "Psycho-Pass episodes 12 - 22 Streaming". Anime News Network. 2014-01-22 tarixində arxivləşdirilib. İstifadə tarixi: 24 yanvar 2018.
  85. ↑ "Psycho-Pass: Part One (Blu-ray)". DVDTalk. 2014-04-18 tarixində arxivləşdirilib. İstifadə tarixi: 24 yanvar 2018.
  86. ↑ "Psycho-Pass Episode #15 Anime Review". The Fandom Post. October 16, 2012. September 24, 2015 tarixində arxivləşdirilib. İstifadə tarixi: 24 yanvar 2018.
  87. ↑ 1 2 Dong, Bamboo. "Hal I Met Your Mother". Anime News Network. April 14, 2014. 2014-04-14 tarixində arxivləşdirilib. İstifadə tarixi: 24 yanvar 2018.
  88. ↑ "Psycho-Pass Episode #13 Anime Review". The Fandom Post. January 22, 2013. September 24, 2015 tarixində arxivləşdirilib. İstifadə tarixi: 24 yanvar 2018.
  89. ↑ Hanley, Andy. "ANIME REVIEW: Psycho-Pass Complete Season 1 Collection". UK Anime Network. 2014-09-07 tarixində arxivləşdirilib. İstifadə tarixi: 24 yanvar 2018.
  90. ↑ "Psycho-Pass Episode #21 – 22 Anime Review". The Fandom Post. March 21, 2013. September 24, 2015 tarixində arxivləşdirilib. İstifadə tarixi: 24 yanvar 2018.
  91. ↑ "Psycho-Pass Episode #16 Anime Review". The Fandom Post. February 12, 2013. September 24, 2015 tarixində arxivləşdirilib. İstifadə tarixi: 24 yanvar 2018.
  92. ↑ "Psycho-Pass: Part Two (Blu-ray)". DVDTalk. 2014-04-18 tarixində arxivləşdirilib. İstifadə tarixi: 24 yanvar 2018.
  93. ↑ Yamamura, Hiroko. "First Impressions: Psycho-Pass". Japanator. October 16, 2012. December 28, 2012 tarixində arxivləşdirilib. İstifadə tarixi: 24 yanvar 2018.
  94. ↑ Rhodes, Dan. "ANIME REVIEW: Psycho-Pass 2 Collector's Edition". UK Anime Network. May 20, 2016. April 7, 2018 tarixində arxivləşdirilib. İstifadə tarixi: 24 yanvar 2018.
  95. ↑ Eisenbeis, Richard. "Psycho-Pass 2 is a deliciously dark and disturbing cybernetic tale". Kotaku. December 23, 2014. October 18, 2016 tarixində arxivləşdirilib. İstifadə tarixi: 24 yanvar 2018.
  96. ↑ Rhodes, Dan. "Psycho-Pass 2 BD+DVD - Season 2". Anime News Network. April 12, 2016. October 10, 2016 tarixində arxivləşdirilib. İstifadə tarixi: 24 yanvar 2018.
  97. ↑ "Empire of Corpses, Girls & Panzer, Psycho-Pass Nominated for Japan Sci-Fi Con's Seiun Awards". Anime News Network. March 29, 2016. 2016-08-30 tarixində arxivləşdirilib. İstifadə tarixi: January 11, 2017.
  98. ↑ "Fate/Stay Night, Psycho-Pass Film Win Top Newtype Awards". Anime News Network. October 10, 2015. 2016-12-31 tarixində arxivləşdirilib. İstifadə tarixi: January 11, 2017.

Xarici keçidlər

[redaktə | mənbəni redaktə et]