Türkan Məmmədyarova

Türkan Həmid qızı Məmmədyarova (doğ. 7 avqust 1989, Sumqayıt, Azərbaycan SSR, SSRİ) — azərbaycanlı şahmatçı, qadınlar arasında beynəlxalq qrosmeyster (2007).

Türkan Məmmədyarova
2016-ci ildə Bakıda keçirilmiş 42-ci şahmat olimpiadasında.
2016-ci ildə Bakıda keçirilmiş 42-ci şahmat olimpiadasında.
Ölkə  Azərbaycan
Doğum tarixi (34 yaş)
Doğum yeri Sumqayıt, Azərbaycan SSR, SSRİ
Titulu qadınlar arasında beynəlxalq qrosmeyster (2007)
Son reytinqi 2264 (may 2022)
Maksimal reytinqi 2322 (mart 2011)
FİDE nömrəsi 13402005
Vikianbarın loqosu Vikianbarda əlaqəli mediafayllar

Şahmat karyerası[redaktə | mənbəni redaktə et]

Şəxsi[redaktə | mənbəni redaktə et]

2002-ci ildə İspaniyanın Peniskola şəhərində keçirilmiş 14 yaşadək qızlar arasında Avropa çempionatında birinci yerə çıxıb.[1]

2003-cü ildə Yunanıstanın Xalkis şəhərində keçirilmiş 14 yaşlı qızlar arasında dünya birinciliyində liderdən yarım xal az toplayaraq 8,5 xalla gümüş medala layiq görülüb.[2]

2011 və 2012-ci illərdə qadınlar arasında şahmat üzrə Azərbaycan çempionu olub.[3][4]

Komanda[redaktə | mənbəni redaktə et]

Azərbaycanın qadınlardan ibarət milli komandasının heyətində 2002-ci ildə Sloveniyanın Bled, 2008-ci ildə Almaniyanın Drezden, 2010-cu ildə Rusiyanın Xantı-Mansi, 2012-ci ildə Türkiyənin İstanbul şəhərlərində keçirilmiş Ümumdünya Şahmat Olimpiadalarında,[5] və 2003-cü ildə Bolqarıstanın Plovdiv, 2007-ci ildə Yunanıstanın İraklion, 2009-cu ildə Serbiyanın Novi Sad, 2011-ci ildə Yunanıstanın Porto Karras, 2013-cü ildə Polşanın Varşava şəhərlərində keçirilmiş komandalar arasında Avropa çempionatlarında çıxış etmişdir.[6]

2016-cı ildə Bakıda keçirilmiş 42-ci Ümumdünya Şahmat Olimpiadasında Azərbaycanın ikinci komandasının heyətində birinci lövhədə mübarizə aparmışdır.[7][8]

Reytinqi[redaktə | mənbəni redaktə et]

FİDE-nin rəsmi saytında dərc olunmuş 2017-ci ilin fevral ayına olan məlumata görə Türkan 2307 xalla Azərbaycan qadın şahmatçıları arasında 6-cı,[9] "Top 100 Women February 2017" reytinq cədvəlində isə 182-ci yerdə qərarlaşıb.

Şəxsi həyatı[redaktə | mənbəni redaktə et]

Türkanın qardaşı Şəhriyar və böyük bacısı Zeynəb də beynəlxalq şahmat aləmində güclü şahmatçılar kimi tanınırlar. Məmmədyarovlar ailəsi Azərbaycanda üç beynəlxalq qrosmeyster yetişdirmiş yeganə şahmat ailəsidir.[10]

İstinadlar[redaktə | mənbəni redaktə et]

  1. ↑ "EU-ch U14 Girls Peniscola 2002". 365chess.com. 2022-03-13 tarixində arxivləşdirilib. İstifadə tarixi: 2017-02-24.
  2. ↑ "World Youth Chess Championship 2003 - Girls-14". Chess-results.com.
  3. ↑ "AZE Chmp women-2011". World Chess Federation. 11 September 2014 tarixində arxivləşdirilib. İstifadə tarixi: 28 March 2011.
  4. ↑ "AZE Chmp women-2012". World Chess Federation. 4 March 2016 tarixində arxivləşdirilib. İstifadə tarixi: 28 March 2012.
  5. ↑ "Mamedyarova, Turkan WOMEN'S CHESS OLYMPIADS". Olimpbase.org. 2022-03-20 tarixində arxivləşdirilib. İstifadə tarixi: 2017-02-24.
  6. ↑ "Mamedyarova, Turkan EUROPEAN WOMEN'S TEAM CHESS CHAMPIONSHIP". Olimpbase.org. 2022-08-20 tarixində arxivləşdirilib. İstifadə tarixi: 2017-02-24.
  7. ↑ "İlham Əliyev 42-ci Ümumdünya Şahmat Olimpiadasının təntənəli açılış mərasimdə iştirak edib". President.az. 2018-04-16 tarixində arxivləşdirilib. İstifadə tarixi: 2017-02-24.
  8. ↑ "Zeynəb MƏMMƏDYAROVA: "Bizim uğurumuz kişi şahmatçıların nəticəsindən asılıdır"". Bakuchessolympiad.com.
  9. ↑ "Federations Ranking Women Azerbaijan". Fide.com. 16 Fevral 2017 tarixində arxivləşdirilib.
  10. ↑ "Azərbaycan dünyanın intellektual mərkəzi kimi". Xalq qəzeti. 2017-05-02 tarixində orijinalından arxivləşdirilib. İstifadə tarixi: 2017-02-24.

Xarici keçidlər[redaktə | mənbəni redaktə et]

Vikianbarda Türkan Məmmədyarova ilə əlaqəli mediafayllar var.