Xanım Balacayeva

Xanım Balacayeva (28 mart 2001, Qax) — Azərbaycan şahmatçısı. Qadınlar arasında qrosmeyster (2019).

Xanım Balacayeva
Ölkə
Doğum tarixi 28 mart 2001(2001-03-28) (23 yaş)
Doğum yeri
Titulu qadınlar arasında beynəlxalq qrosmeyster (2019)
Son reytinqi
  • 2.384 (iyul 2024)[2]
Maksimal reytinqi 2.404 (iyul 2024)
FİDE nömrəsi 13406396
Vikianbarın loqosu Vikianbarda əlaqəli mediafayllar

Erkən illəri

[redaktə | mənbəni redaktə et]

Xanım Balacayeva 28 mart 2001-ci ildə Qax şəhərində anadan olub. Şahmatla 5 yaşından məşğul olmağa başlamışdır.[3] Qax rayon Uşaq-Gənclər Şahmat Məktəbinin yetirməsidir.[4]

Şahmat karyerası

[redaktə | mənbəni redaktə et]

Şəxsi

[redaktə | mənbəni redaktə et]

2008-ci ildə səkkiz yaşlı qızlar arasında Azərbaycan çempionatında 2-ci, elə həmin il Gürcüstanın Batumi şəhərində keçirilmiş Avropa çempionatında isə 5-ci yeri tutub.[3]

2009-cu ildə səkkiz yaşlı qızlar arasında Azərbaycan çempionatında 1-ci yeri tutmuşdur.[3]

2010-cu ildə 10 yaşadək qızlar arasında Azərbaycan çempionatında və Türkiyənin Kayseri şəhərində keçirilmiş məktəblilər arasında şahmat üzrə 6-cı dünya çempionatında birinci olmuşdur.[3][5]

2013-cü ildə Serbiyanın Novi Sad şəhərində keçirilmiş şahmat üzrə məktəblilər arasında 6-cı Avropa çempionatında qızıl medal qazanıb.[6][7]

2014 və 2015-ci illərdə 14 yaşadək qızlar arasında Azərbaycan çempionatında, 2016 və 2017-ci illərdə isə 18 yaşadək qızlar arasında Azərbaycan çempionatında birinci olub.[8][9][10][11]

2018-ci ildə qadınlar arasında Azərbaycan çempionatında 9 mümkün xaldan 6 xal yarım toplayaraq, Azərbaycan çempionu adını qazanıb.[12]

Komanda

[redaktə | mənbəni redaktə et]

2016-cı ildə Bakıda keçirilmiş 42-ci Ümumdünya Şahmat Olimpiadasında Azərbaycanın üçüncü komandasının heyətində mübarizə aparmışdır.[13]

2017-ci ildə Azərbaycanın qadınlardan ibarət milli komandasının heyətində Yunanıstanın Krit adasında keçirilmiş Avropa komanda çempionatında və Rusiyanın Xantı-Mansi şəhərində keçirilmiş dünya komanda çempionatında iştirak edib.[14][15] Eyni ildə həmçinin, Azərbaycanın "Odlar Yurdu" komandasının heyətində Türkiyənin Antalya şəhərində keçirilmiş klub komandaları arasında Avropa Kubokunda gümüş medal qazanıb.[16]

İstinadlar

[redaktə | mənbəni redaktə et]
  1. ↑ 1 2 FIDE Ratings and Statistics (ing.).
  2. ↑ FİDE FIDE Standard Ratings as of 31 jul 2024. 2024.
  3. ↑ 1 2 3 4 "DOQQUZ YAŞLI QAX MƏKTƏBLİSİ XANIM BALACAYEVANIN BÖYÜK UĞURU". AzərTAc. 27 fevral 2018 tarixində arxivləşdirilib.
  4. ↑ "Şahmatçılarımız dünya və Avropa birinciliklərində uğurla çıxış edirlər". Muallim.edu.az. 2022-01-20 tarixində arxivləşdirilib. İstifadə tarixi: 2018-02-26.
  5. ↑ "Девятилетняя азербайджанская шахматистка стала чемпионкой мира". Day.Az. 2010-07-31. 2018-10-06 tarixində arxivləşdirilib. İstifadə tarixi: 2018-02-26.
  6. ↑ ""Təhsil" RİM-in şahmatçılarının möhtəşəm qələbəsi". Olimpnews.az. 2013-07-02. 2014-08-16 tarixində orijinalından arxivləşdirilib. İstifadə tarixi: 2018-02-26.
  7. ↑ EUROPEAN SCHOOL CHESS CHAMPIONSHIP 2013 — GIRLS U13
  8. ↑ "14 yasadak qizlar arasinda Azərbaycan birinciliyi, 2014". 2020-08-11 tarixində arxivləşdirilib. İstifadə tarixi: 2018-02-26.
  9. ↑ AZE Chmp, Girls U-14, 2015
  10. ↑ "18 yaşadək qızlar arasında Azərbaycan birinciliyi AZE Chmp, Girls U-18, 2016". 2020-08-11 tarixində arxivləşdirilib. İstifadə tarixi: 2018-02-26.
  11. ↑ 18 yaşadək qızlar arasında Azərbaycan birinciliyi 2017
  12. ↑ "Azerbaijan Women's Championship!". Chess-results.com. 2018-05-09 tarixində arxivləşdirilib. İstifadə tarixi: 2018-02-26.
  13. ↑ "İlham Əliyev 42-ci Ümumdünya Şahmat Olimpiadasının təntənəli açılış mərasimdə iştirak edib". President.az. 2018-04-16 tarixində arxivləşdirilib. İstifadə tarixi: 2018-02-26.
  14. ↑ "Balajayeva, Khanim EUROPEAN WOMEN'S TEAM CHESS CHAMPIONSHIP". Olimpbase.org.
  15. ↑ "Balajayeva, Khanim WORLD WOMEN'S TEAM CHESS CHAMPIONSHIP". Olimpbase.org. 2022-04-18 tarixində arxivləşdirilib. İstifadə tarixi: 2018-02-27.
  16. ↑ "Azərbaycanın "Odlar yurdu" şahmat komandaları gümüş və bürünc medallar qazanıblar". Azertag.az. 2021-10-15 tarixində arxivləşdirilib. İstifadə tarixi: 13 Aprel 2018.

Xarici keçidlər

[redaktə | mənbəni redaktə et]