Dialektlərdə “çox danışmaq”, “boşboğaz” anlamlarında işlənir. Zoğal sözü ilə heç bir əlaqəsi yoxdur. Sözün əsli kövşəmək kəlməsinə gedib çıxır (çənəsini boş qoymamaq). Gövşək zəminində təhrif yolu ilə gəvəzimək, onun da təhrifi nəticəsində zəvzəhləmək yaranıb və axırıncı kəlmə yenə təhrif nəticəsində zoğallamaq şəklinə düşüb (rövnəq pozularaq növraq olduğu kimi). (Bəşir Əhmədov. Etimologiya lüğəti)