|| АГАКЬНАВАЙ прил. 1) бегьердиз атанвай, дигмиш хьанвай. Агакьай гад акӀадармир. Р. ЦӀи техил фад агакьна. Р. 2) эвленмиш жедай яшара, вахтуна авай. Къе ам аял туш, агакьнавай са руш я. А. Ф. КьатӀ-кьатӀ авур зунжурар. Виридалай вилик, мураддал алай, кутугай, агакьнавай рушариз гада субайди тирди чир хьанва. Къ. М. Дагъларин деринрин булахар. Агакьнавай хциз дуьнья кван я хьи. И. Гь. Саяд. Чахъ, сусар тагъана, кӀвале агакьнавай къвед-пуд хва, гъуьлуьз рекье тваз тежезвай къвед-пуд руш, кӀвал- югъ тахьанвай жегьил хизанар авайди, диде-буба, юлдаш кӀвале кефсуз месел алайди залумриз чизвач. А. Исаев."Чухвай верчер хьиз" тамир || ЛГ, 2000, 29. VӀ.