гл., каузат.; - да, -на, -из, -зава; -а, -ин, -рай, -мир; ахгакьарун, агакьар тавун, агакьар тахвун, агакьар хъийимир 1) ни нив, квев са вуж, вуч ятӀани нин, куьн ятӀани мукьув хьурун. Бубади аял къававай лампадив агакьарна. Р. 2) ни нив, квев са нив квев ятӀани улакьда аваз ва я зверна мукьув хьун. За адав Москвада ахгакьарна. Р. 3) ни вуж-вуч са вуж ва я вуч ятӀани са чкадай маса чкадиз ракъурна нин ва куьн ятӀани ихтиярда тун \[ттун \]. Газетдин гьар са нумра кхьей касдал вахтунда агакьарун патал редакцияди федеральный почтарин управлениедиз 17 агъзур манат пул гузва. Почтунин къуллугъчияр подписчикрив газетар агакьар хъувуниз мажбур я. ЛГ, 1996, 2. ӀӀ. 4) ни вуч нив са вуж ятӀани са квекай ятӀани хабардар авун. Зани рушан гафар тадиз бубадив агакьарна. Р. Дербентдай Къазимегъамеда Къамкъамал тади хабар агакьарна... Гь. Къ. Четин бахт. 5) ни вуч кьилиз акъудиз, тамамариз, гьазуриз алакьун. Мугьманар къведалди хуьрек агакьарна. Р. 6) куьч. са низ ятӀани экъуьгъун, рикӀ тӀар жедай гафар лугьун. За адав къвезвайди агакьарна. Р. 7) са вуч себебдалди ятӀани арадай акъатнавайди адан иесидин ихтиярда хтун. "Шарвили " эпос лезги халкьдив ахгакьарайбур Забит Дадашан хва Ризванов ( 19261992 ) ва Байрам Наврузбеган хва Салимов я... И кьве касдин зурба зегьмет, кьве шаирдин четин зегьметар лезги халкьдин тарихда гьамишалугъ яз амукьдайдал са шакни алач. Р. Р. Лезги халкьдин игитвилин эпос. 8) авур хъсанвилиз замин гун. Зун авачир - амма халкьна Халикъди, Заз руьгь гана, кьейидалай кьулухъни Амукьдай руьгь, гьиссун патал буржар пак. Икьван крар гьикӀ хъийида агакьар? А. Къ. Ярагъ Мегьамедан гьазават.
* Аллагьди агакьаррай! гьахъ ~.