фарс, сущ.; -ди, -да; -ар, -ри, -ра 1) сагъсузвал, тӀал. Бендедин кьил акъат тийир им вучтин я азар? Е. Э. Духтурханадай чар. Акурд я заз пара азар. С. С. Къиздирмадиз. Къалуз Мусаибан азар, ЧӀугваз туна чав агьузар... С. С. Тапан кагъаз диз жаваб. Са начагъдаз духтурди икӀ лагьана: - Хъсан нез-хъухъ, квахьда вири азарар. Мегь. А. Начагъ я. 2) куьч. ашкъи, муьгьуьббат. Эхир, яр, ви азарди зун тадайд туш... Е. Э. Ярдин дерт.... Дуст кас, и дишегьлидин азар - каш я. Къ. М. Дагъларин деринрин булахар. 3) куьч. вичикай масадбуруз туькьуьл фикир, хажалат гудайди. Ахмакьвилик квай са азар, Чир тахьун я хийир, зарар... С. С. Хьухь тӀун вун уях, мусурман. Къал-къиж авун - кӀвализ азар, Архаярни жеда бизар. Шумуд душман мердимазар КӀвал чӀур хьунал шад я. КьепӀир. М. А. КьепӀир. Ам ( Мирзе - А. Г.) чи духтурдиз ганвай азар я: вил алатайвалди, спиртдин иесивал ийида. 3. Гь. Лезгийрин риваят. Тек са кар хьана лам патал азар: Луту Мегьтиди тӀуьнай а газар. С. Мегьтидин лам.
* азар галукьун гл., нихъ-квехъ сагъламвал чӀурдай тӀалдин таъсирдик хьун. Шумудни са жуьре азар галукьнай. А. Ф. КьатӀ-кьатӀ авур зунжурар.
* азар чӀугун гл., ни сагъламвал авачир гьалда хьун. Шумуд йисуз чӀугван азар? Е. Э. За вуч ийин аман я, Раби?
* азар гуй! межд. Михеннатдиз гуй а азар, Мерд итим яхун хъсан туш. С. С. Ише тефир жуван гафар. ина \[ ана \] вуч ~ авайди я? ина гана \] ~ авач.