сущ.; -кӀа, -кӀа; -кӀар, -кӀари. -кӀара 1) чеб кӀвалин ва чуьлдинбур жедай, куьруь кӀвачер квай, чӀехи жендек авай гьайван. - Ваз тахьана бес тамавай вакӀаз лугьузвани?.. Б. Гь. Заз эвера. Вуна незвай са кьас фу вакӀан пеле аваз кӀандай, аквадай заз вуна ам, зегьмет чӀугун тавуна, гьикӀ къачудайтӀа. - За ам, галтугна, вакӀан пеляйни акъуддай. С. М. ЦицӀигъ-наме. Эхиримжи йисара Украинада маларин ва вакӀарин кьадар са шумуд сеферда тӀимил хьанва. ЛГ, 2000, 14. ХӀӀ. 2) куьч. такӀан инсан. Ирид багъдиз яд гузава Са къизилгуьл цуьк паталди. ТакӀан вакӀаз чун гузава Вад виш манат пул паталди Ф. Тарагъаждиз чӀугуртӀани, ТакӀан вакӀаз фидан меген. Ф. Манияр.
* вак акваз гел чӀугун \[гелехъ къекъуьн, геле къекъуьн \] гл., вуж дуьздал алай месэла акван тийизвайдай кьун. - Ваз чидач, Куьн вак акваз геле къекъвезвайбурукай я. Н. М. Къизил хтар.
* вак ви бубадикай хьуй ! межд., векъи гьам итимри, гьамни папари ийидай экъуьгъун.... жемятди гъвечӀи-чӀехида тӀуьна чпин кьвалар дакӀурна, «вак ви бубадикай хьуй» лагьана хъфена. А. Ф. Бубадин веси.
* вак декьий вич амаз < ягъва > ! рах., межд. жув икрагь хьанвай касдикай рахадайла лугьудай ибара. А бенде хьи гзаф лавгъа, Вак декьий вич амаз ягъва! С. С. Шумудакай рахан.
* вак хьайиди обр. экъуьгъун.
* вак хьана векъи кьена. Ам вак хьана. Р.
* вакни зур зараф., сущ.; алакьунар авайди (са гьи рекьяй ятӀани). Агрономвилин илимдал гьалтайла, Пирали, валлагь, вакни зур я. 3. Э. ВиртӀедилайни ширин я.
* вакӀай чӀар акъудун векъи, зараф., гл. вич къаних гзаф девлетлудан менфятдай лап тӀимил са затӀ акъудун. -КӀелер адаз хкетрик квай аждагьандиз кьван ава. Вагьши вакӀай чӀар акъудна кӀанда... Къ. М. Кьашкьа духтур.
* вакӀан кӀири(яр) || кӀири(яр ) сущ.; тама, вацӀун кьере жедай цацар алай тарарин ири тваррин хъипи рангунин цуру тӀямдин емиш (ар ). ВакӀан кӀирийрин мижедик шекер кутада, икӀ гзаф дадлу джем арадал къведа. ЛГ, 2002, 25. ӀV.
* вакӀан \[дангъуздин, къабандин\] хва \[руш\]! са низ ятӀани экъуьгъунин гафар. ЧӀур тавурай артух и чи араяр Къабандилай хьайи ахмакь дангъуздин хци. А. Ф. КьатӀ-кьатӀ авур зунжурар. Зун вавди я, дангъуздин руш, це жаваб, И на ийизвайбур ятӀа вуч крар... А. Ф. КьатӀ-кьатӀ авур зунжурар. \[Мирим\]. А дангъуздин хва за тахьай мисал ийида. Гь. Гь. Колхоз. \[Амахан\]. Са вакӀан хци фитне авуна жеди.... Гь. Гь. Колхоз