урус, сущ.; -ди, -да; -яр, -йри, -йра 1) чӀалан туькӀуьр хьунухь ва адан къанунар санлай. Грамматика чӀалан къурулушдикай рахадай илимдиз лугьуда. Гь. Гь. Грамматика. Сад лугьур пай. ЧӀалан грамматика гьамиша гьерекатдик ква. Р. 2) чӀалан илимдин са пай. Грамматика, адет яз, морфологиядизни синтаксисдиз лугьуда. Р. 3) чӀалан туькӀуьр хьунухь ва адан къанунар кхьенвай ктаб. Лезги чӀалан сифтегьан грамматика кхъейди Петр Карлович Услар я. Р. ☼ Грамматика вуч затӀ я? Грамматика чӀалан къурулушдикай рахадай илимдиз лугьуда. Сад ава илми грамматика, сад ава мектебдин - тарсарин грамматика. Мектебдин грамматика, адет яз, пуд паюниз пай жезва: 1) фонетика - чӀалан сесерикай рахадай пай, 2) морфология - гафарин къурулушдикай ва чӀалан къене гафарин дегиш хьуникай рахадай пай, 3) синтаксис - жуьмледин къурулушдикай ва жуьмледин къене авай гафарин арада ва жуьмледин чипин арада са-садахъ галаз авай алакъадикай рахадай пай я.... Грамматика чируникай вуч метлеб ава? 1) чӀалан къурулушдин хсусивилер чир хьана, ам классдин дяведа ишлемишун алакьун, 2) дуьз рахаз ва дуьз кхьиз чир хьунин вердишвилер къачун. 3) акьулдин умуми развитие ( инкшаф вилик финиф) хкажун. Гь. Гь. Грамматика.