араб, сущ.; -ди, -да; -ар, -ри, -ра 1) такабурлувал. Ажеб дамах гваз и дуьнья гьалда на... Е. Э. Яру, цӀару гуьллуь чит. Вун яр хьана, вавди мецел рахайла, Вавни жеда еке дамах, наз гуьзел. Е. Э. Зав рахамир. Гьайиф я, вун бедназардик акатда, Къекъвемир вун акьван дамах гваз гуьзел. Е. Э. Гуьзел. Гатуз жеда квев дамахар, Ахьайиз межлисра махар... С. С. Фекьияр. Са кепекни гвачиз харжи, Вав гва хупӀ дамахар, гуьзел яр. С. С. Гуьзел яр. 2) кьадарсуз такабурлу хьун, кьама ялар хьун. Кесибриз лугьуз "пошѐл", Абурув дамах хьана хьи. С. С. Девлетлуяр, чиновникар. 3) кьилин винизвал. Школада кӀелдайла, зи рикӀел алама, ам са шумуд классдин залай вилик галай, Сабир виридан дамах тир. 3. Гь. Лезгийрин риваят 4) гуьрчегвал. Зар-зиба вал алукӀайла, Дамах ваз къаншар я, гуьзел. Е. Э. Ви къаматдиз. Алай йисуз Къуншиди Эхиримжи сефер яз Твазва чуру дамах яз.... Ж. РикӀ шуьше я. ☼ Гафунин тарихдикай, манадикай кил.: А. Гуьлмегьамедов. Дамах яни, дамагъ? || Лезги газет,1993,31. VӀӀӀ.
* дамах(ар) авун гл., ни низ 1) гуьрчег парталар алукӀяа жув масадбуруз бегенмиш жедайвал авун. 2) жув масадбуралай вине кьун.
* дамах къачун \[ хьун \] гл., ни \[ нив \] жув масадбуралай вине кьун. Жибинда кьве манат хьана лугьуз ада дамах къачунва. Р. Гатуз жеда квев дамахар, Ахьайиз межлисра махар. С. С. Фекьийриз.
* дамах-чахмах сущ., рах. чӀагай партал алаз гуьрчег гьал.